Lucas 10:28 - Tte Pa̱'a̱li̱ Me' Skëköl tö Se' a̱

²⁸ Jesús tö iché ie' a̱: —Be' tö iiu̱té buaë. Be' tö iwé̱ es, e' ta̱ se̱ne michoë döraë be' ulà a̱.

Lucas 10:28 ပူးပေါင်းရင်းမြစ်များ

Mateo 19:17

Ie' tö iiu̱té: —¿Ì kue̱ki̱ be' tö ye' chaké ì dör buaë ese ki̱? Skëköl eköl ë̀ dör buaë. Be' ki̱ se̱ne michoë kiane, e' ta̱ ttè me'a̱tbak ie' tö dalöiëno e' dalöiö́.

Marcos 12:34

Mik ie' isué̱ tö s'wöbla'u̱kwak ttè dalöiëno wa, e' tö ie' iu̱té buaë yësyësë, eta̱ ie' tö iché ia̱: —Ì blúie Skëköl tso' e' o̱'mik tsi̱net be' tso'. Eta̱ kë̀ yi kësik dë'ka̱ia̱ ie' a̱ ì skà chakök.

Lucas 7:43

Ie' iiu̱té: —Ye' a̱ ta̱, wé̱ne nuì̱ olone kibiie e' ë́k. Jesús tö iché: —Buaë be' iiu̱té.

Romanos 10:4

Erë Moisés ttè dalöiëno e' wà dör Cristo kkachè. E' kue̱ki̱ mik ie' de, eta̱ ttè e' wà de. E' kue̱ki̱ wé̱pa e̱rblé ie' mik esepa ulitane klö'we̱raë Skëköl tö we̱s pë' buaë yësyësë es.

Romanos 3:19

Se' wa̱ ijche̱r tö ì ko̱s chè Skëköl ttè dalöiëno tö, e' chèitö wé̱pa tso' idiki̱a̱, esepa a̱. Ttè e' wa sulitane siwa̱'blöwe̱kewa̱ Skëköl tö. Ñies ttè e' tö ikkacheke tö sulitane ki̱ nuì̱ tso' ie' wöa̱.

Romanos 7:10

kichatëulettsa̱. Ttè dalöiëno batamik se̱ne sulu tö ye' ki̱tö'wé̱ a̱s ì sulu wamblö̀yö, ese tö ye' kichatéttsa̱. Es ttè e' tö warma se̱ne michoë mèmi ye' a̱, e' skéie ye' kichatéttsa̱itö.

Gálatas 3:12

Ñies Skëköl yëkkuö tö ichè i' es: “Yi tö ttè dalöiëno e' dalöié yësyësë se̱raa̱, ese se̱r michoë ttè e' wa.” Ttè e' tö se' a̱ ikkachè tö ttè dalöiëno, e' tö se' ké idalöiök se̱raa̱. Erë se' e̱rblö̀ Cristo mik, e' kë̀ dör es, e' ki̱ e̱rblè ë̀ kiane ie' mik. E' kue̱ki̱ ttè e' kë̀ shu̱tunukka̱ Moisés ttè dalöiëno e' wa, e' dör ttè kua̱'ki̱ e' kue̱ki̱.