Juan 8:24 - Tte Pa̱'a̱li̱ Me' Skëköl tö Se' a̱

²⁴ E' kue̱ki̱ ye' tö a' a̱ ichè tö ‘a' duöralur ì sulu ko̱s wambleke a' tö e' a̱.’ A' kë̀ wa̱ iklöne tö ye' dör yi yë'bitu̱ ye' tö a' a̱ e', e' ta̱ a' duöralur ì sulu ko̱s wambleke a' tö ese a̱.

Juan 8:24 ပူးပေါင်းရင်းမြစ်များ

Éxodo 3:14

Eta̱ ie' tö iiu̱té: —Ye' dör yi tso'tke e'. Ichö́ ie'pa a̱ tö Ye' Tso'tke e' tö ye' patké a' ska'.

Marcos 16:16

Yi e̱rblé ye' mik ta̱ ie' e̱' wöskuée esepa tsa̱tkërdaë. Erë yi kë̀ e̱rblëne ye' mik esepa kichatërdaë.

Lucas 21:8

Ie' iiu̱té: “Tai̱ë pë' datse̱ e̱' chök tö ie'pa dör ye'. Icherarakitö: ‘Ye' dör wé̱ pairine'bitu̱ idi' wa s'blúie e'’. Ñies icherarakitö tö s'e̱rkewa e' ké̱wö detke. Erë kë̀ a' minuk esepa itöki̱. Pë' ki̱terarakitö tai̱ë. E' kue̱ki̱ a' tso' wösh wa a̱s kë̀ yi tö a' ki̱tö'ù̱.

Juan 13:19

E' ché ye' tö a' a̱ ka̱m iwà tkö̀ e' yöki̱. Es mik iwà tka, eta̱ a' tö iklö'we̱raë moki̱ tö Skëköl tö ye' patkë'bitu̱.

Juan 3:18

“Yi e̱rblé Skëköl Alà mik, ese kë̀ kichatëne. Erë yi kë̀ e̱rblëne imik, ese kë̀ e̱rblëne Skëköl Alà eköl ë̀ e' mik, e' kue̱ki̱ ikichatënettsa̱tke.

Juan 3:36

Wé̱ e̱rblé Skëköl Alà mik, ese se̱r michoë. Erë wé̱ kë̀ tö Skëköl Alà ttö̀ iu̱tè, ese kë̀ ulà dö̀pa se̱ne michoë ska'. E' skéie Skëköl kësik me'rie iki̱.

Juan 4:26

Jesús tö ie' a̱ iché: —E̱'ma e' dör ye' tso' ttök be' ta̱ e'.

Juan 8:21

Jesús tö iskà ché ie'pa a̱: —Ye' mía̱ ta̱ a' tö ye' yuleraë, erë a' duöralur ì sulu ko̱s wambleke a' tö e' a̱. E' kue̱ki̱ kë̀ a' döpaka̱ wé̱ ye' mírö ee̱.

Juan 8:25

Eta̱ ie'pa tö ie' a̱ ichaké: —¿Yi be' dör? Ie' tö iiu̱té: —Ye' dör yi yë'bitu̱ ye' tö a' a̱ kuaë e'.

Juan 8:28

E' kue̱ki̱ ie' tö iché ie'pa a̱: —S'ditsö Alà, e' dör ye'. Mik a' tö ye' batséka̱ krus mik, eta̱ a' tö isue̱raë tö yi dör ye'. Ye' kë̀ tö ì wè̱pa ye' wák e̱r wa. Ì cheke ye' Yë́ tö ye' a̱ tö ichö́, e' ë̀ chekeyö.

Juan 8:58

Jesús tö ie'pa iu̱té: —Moki̱ ye' tö a' a̱ ichè tö ye' tso'tke Abraham bak ká̱ ia̱ia̱ë e' yöki̱ ke̱we.

Hechos 4:12

Ie' dör S'tsa̱tkökwak. Skëköl kë̀ wa̱ yi skà patkëule ká̱ i' ki̱ s'tsa̱tkoie. E' kue̱ki̱ Jesucristo eköl ë̀ wa s'tsa̱tkërmi.

Hebreos 12:25

E' kue̱ki̱ a' e̱' kkö'nú. Skëköl ttöke a' ta̱, e' kë̀ watarttsa̱. Ká̱ ia̱ia̱ë wé̱pa ta̱ ie' ut ká̱ i' ki̱, e' watë'ttsa̱ ie'pa tö, e' nuí̱ kë̀ ulà a̱ ie'pa bakyal, e' ta̱ ¿we̱s se' tkö̀yalmi i̱'ñe ta̱ ie' ttöke ká̱ jaì a̱ e' ttö̀ watéttsa̱sö e' nuí̱ ulà a̱?

Hebreos 2:3

Es ibak ie'pa ta̱, erë Skëköl Alà tté buaë, e' ë̀ wa se' tsa̱tkërmi, e' dör ttè bua'iewa̱ ttè ulitane tsa̱ta̱. S'tsa̱tko tté, e' tsá̱ yë' Skëkëpa Jesús wák tö. Wé̱pa tö ttè e' ttsë', e'pa tö iyë'ne se' a̱ ta̱ iwà kkachérakitö tö e' dör ttè moki̱. Ñies ì kë̀ o̱r yi a̱ ese o̱' Skëköl tö ie'pa wa tai̱ë kua̱'ki̱ kua̱'ki̱ iwà kkachoie tö ì ché ie'pa tö e' dör moki̱. Ñies Wiköl Batse'r wa ie' tö imé se' a̱ kanebloie buaë ie' a̱ tai̱ë kua̱'ki̱ kua̱'ki̱ we̱s ie' ki̱ ikiane es. E' wa ie' tö iwà kkaché tö ie'pa ttè dör moki̱. Ttè e' wà kë̀ dalöiëne se' wa̱, e' ta̱ ¿we̱s se' tkömishkar inuí̱ ulà a̱?