Juan 6:35 - Tte Pa̱'a̱li̱ Me' Skëköl tö Se' a̱

³⁵ Ie' tö ie'pa a̱ iché: —Ye' dör chkè tö se̱ne michoë meke e'. Yi bitu̱ke ye' ska' ena ie̱rblöke ye' mik, ese kë̀ tepaia̱ bli tö, ñies ese kë̀ e̱rsirpaia̱.

Juan 6:35 ပူးပေါင်းရင်းမြစ်များ

Mateo 11:28

A' e̱riarke tai̱ë, weirke sia̱rë íyi ulitane diki̱a̱ we̱s dalì e̱kke̱ë diki̱a̱ s'shtrirwa̱ es. A' shkö́ ye' ska', eta̱ a' e̱nuraë ye' batamik.

Lucas 6:25

“Wëstela i̱na a' wa̱ íyi tso' tai̱ë ñè wë' i̱'ñe ta̱ esepa ta̱, e' ukuöki̱ ta̱ a' tterane bli tö. “Wëstela i̱na a' ja̱ñuke buaë ká̱ i' a̱ e'pa ta̱, e' ukuöki̱ ta̱ a' e̱riardaë, i̱u̱raë sia̱rë.

Juan 4:15

Eta̱ alaköl tö iché ia̱: —A këkëpa, di' e' mú ye' a̱ a̱s kë̀ ye' e̱r siria̱, ñies a̱s kë̀ ye' döia̱ di' watsu̱k í̱e̱.

Juan 5:40

Erë a' kë̀ e̱rblak ye' mik a̱s se̱ne michoë dö̀ a' ulà a̱.

Juan 6:37

Wé̱pa me' ye' Yë́ tö ye' a̱, esepa ko̱s bitu̱raë ye' ska' ta̱ wé̱pa bitu̱ke ye' ska', esepa kë̀ watepattsa̱yö.

Juan 6:41

Jesús tö ichétke: “Ye' dör chkè datse̱ ká̱ jaì a̱ e'.” E' kue̱ki̱ ie'pa ukyënemi ie' ki̱ suluë.

Juan 6:65

Ie' tö ikí̱ ché: —E' kue̱ki̱ ye' tö a' a̱ ichè tö kë̀ yi bitú̱pa ye' ska', ye' Yë́ kë̀ wa̱ imène e' ta̱.

Apocalipsis 22:17

Wiköl Batse'r ena Obeja Pupula tayë, e'pa tö ichè: “¡A' shkö́!” Ñies wé̱pa tö ttè i' ttsé, e'pa tö ichö́: “¡A' shkö́!” Wé̱pa ko̱s e̱rsine é̱na se̱ne michoë dí yák, esepa mú dö̀ se̱ne michoë dí yök ë́me kë̀ tuè̱ ta̱.

Apocalipsis 7:16

Ie'pa kë̀ duöpaia̱ bli wa̱, ie'pa kë̀ e̱r sirpaia̱. Dìba kë̀ tö ie'pa ña'we̱paia̱, ka̱ba kë̀ tö ie'pa we'ikepaia̱.