Juan 5:6 - Tte Pa̱'a̱li̱ Me' Skëköl tö Se' a̱

⁶ Jesús tö isué̱ tër ee̱. Ie' wa̱ ijche̱newa̱ tö ká̱ ia̱ia̱ë ikirinemi. Eta̱ ie' tö wëm kraulewa̱ e' a̱ ichaké: —¿Be' ki̱ ikiane tö be' buarne?

Juan 5:6 ပူးပေါင်းရင်းမြစ်များ

Lucas 18:41

—¿Ì kiane be' ki̱ tö ye' tö iwè̱ be' a̱? Ie' iiu̱té: —A këkëpa, ye' ki̱ ikiane tö ye' wöbla buarne.

Juan 21:17

Jesús tö Pedro a̱ iskà chakéne i' ta̱ ide mañatökicha. —A Simón, Juan alà, ¿be' é̱na ye' dalëne? Jesús tö Pedro a̱ ichaké mañatökicha, e' kue̱ki̱ Pedro e̱rianeka̱. Ie' tö Jesús iu̱té: —A Skëkëpa, ì ko̱s jche̱r be' wa̱. Be' wa̱ ijche̱r tö be' dalëne ye' é̱na. Jesús tö ie' a̱ iché: —E̱'ma wé̱pa dör ye' icha, esepa kkö'nú ña buaë we̱s obeja kkö'nukwakpa tö iobejala kkö'neke buaë es.

Juan 5:5

Ie'pa shu̱a̱ wëm tër eköl kraulewa̱. Ie' kirinemi e' ki̱ duas de dabom mañayök ki̱ pàköl (38).

Juan 5:7

Eta̱ ikirirke tö ie' iu̱té: —A këkëpa, kë̀ yi ku̱' ye' ki̱muk e̱' iowa̱ di' a̱ mik iwöti̱rke eta̱. Bitökicha ye' e̱' iakwa̱, eta̱ yile e̱' iéwa̱tke ye' yöki̱ ke̱we.

Hebreos 4:13

Se' e̱' chöraka̱ Skëköl a̱. Ie' yöki̱ ì ko̱s yö'itö e' kë̀ a̱ e̱' blënukwa̱. Ì ko̱s tso' áie ie' wörki̱. E' kue̱ki̱ se' e̱' tkö̀wa̱ darërë ie' ttè a̱.

Hebreos 4:15

Se' sacerdote kibi e' wa se' wër sia̱rë. Mik ie' bak se̱nuk ká̱ i' ki̱, eta̱ erë́ ie' ma'o̱ule ì sulu ko̱s wamblök we̱s se' es, erë ie' kë̀ wa̱ ì sulu wamblëne yës. E' kue̱ki̱ ie' wa̱ ijche̱r buaë tö is s'ttsër mik se' ma'o̱rke ì sulu wamblök eta̱.