Juan 11:11 - Tte Pa̱'a̱li̱ Me' Skëköl tö Se' a̱

¹¹ E' ukuöki̱ ta̱ ie' tö ichéne: —Se' yami Lázaro kapowa̱, erë ye' mi'ke ishke̱'u̱kka̱ne.

Juan 11:11 ပူးပေါင်းရင်းမြစ်များ

Mateo 27:52

Eta̱ pö kköburolone ta̱ s'batse'rpa blërulune, esepa tai̱ë shke̱neka̱ne

Mateo 9:24

Ie' tö ie'pa a̱ iché: —A' e̱' yö́lur, busila kë̀ du'wa̱, ikapöme'r ë̀. Ie'pa tö Jesús ja̱ñeitséka̱ tai̱ë,

Marcos 5:39

Jesús dewa̱ we̱shke̱ ta̱ ichéitö ie'pa a̱: —¿Ì tso' a' aláu̱k? ¿Ì kue̱ki̱ a' i̱u̱ke? Busila kë̀ du'wa̱, ikapöme'r ë̀.

Juan 11:10

Erë s'shköke ká̱ ttsettse a̱, e' ta̱ se' klastkërdaë. Ye' tso'ia̱ shkök we̱s s'shköke ñiwe es, e' kue̱ki̱ kë̀ ì tkö̀pa ye' ta̱.

Juan 11:12

Eta̱ ittökatapa tö iché ie' a̱: —A Skëkëpa, ie' kapowa̱, e' ta̱ ibuarmine.

Juan 11:13

Ie' tö Lázaro blënewa̱ e' ché ie'pa a̱ es. Erë ittökatapa tö ibikeitsé tö ë́ ikapowa̱.

Juan 11:3

Ie' ena Marta e'pa tö Jesús a̱ ichök patké: —A Skëkëpa, Lázaro dalër tai̱ë be' é̱na, e' duöke.

Juan 3:29

Mik ulabatske, eta̱ alaköl dör iwëm icha. Eta̱ iwëm sini' tso' ee̱, ese tö wëm ttö̀ ttsé, eta̱ e' tö ie' ttsë'wé̱ buaë. Ye' dör we̱s wëm sini' es. E' kue̱ki̱ ye' ttsë'ne buaë i̱'ñe tö sulitane mi'ke Jesús ta̱.

Hechos 7:60

E' ukuöki̱ ta̱ ie' e̱' tkéwa̱ kuchë ki̱ ta̱ ia̱neka̱ tai̱ë: “A Skëkëpa, ì sulu wamblök itso'rak, e' nuí̱ olo'yö́ ie'pa ki̱.” Mik e' chéitö ta̱ iduowa̱.

1 Corintios 15:18

Ñies e' mú dör es, e̱'ma wé̱pa e̱rblë' ie' mik blërulune, esepa tso'tke weinuk.

1 Corintios 15:34

A' e̱rbikö́ne buaë yësyësë. Ì sulu kë̀ wamblaria̱ a' tö. A' we̱lepa kë̀ bàtse̱ Skëköl mik yës. E' chéyö a' a̱ a' jaëwo̱ka̱.

1 Corintios 15:51

Ye' ttö̀ ttsö́. Ttè bak blëulewa̱ ese chekeyö a' a̱ i' ta̱: Kë̀ se' ulitane duö̀pawa̱ erë mik Skëköl duk blane iwà kkachoie tö ka̱wö i' e̱newatke eta̱ se' ko̱s maneo̱rdattsa̱ bet we̱s s'wöbla tsi̱miù̱ es. Mik duk ñe' blane, eta̱ s'duulewa̱ ko̱s shke̱rdaka̱, kë̀ duöpawa̱ia̱. Ñies se' tso'ia̱ ttsë'ka, e' chkà maneo̱rdattsa̱.

1 Tesalonicenses 5:10

Cristo köte̱wa̱ se' skéie a̱s se' se̱r michoë ie' ta̱ ñita̱. Se' blënewa̱ ö se' tso'ia̱ ttsë'ka, e' kë̀ dë' we̱s ie' a̱ mik ie' datskene eta̱.

Santiago 2:23

Es ì tso' kitule Skëköl yëkkuö ki̱ e' wà a̱ne se' é̱na, e' tö ichè: “Abraham e̱rblé Skëköl mik, e' kue̱ki̱ iklö'wé̱itö we̱s pë' buaë yësyësë es.” E' kue̱ki̱ ie' kine Skëköl sini'.