Juan 10:33 - Tte Pa̱'a̱li̱ Me' Skëköl tö Se' a̱

³³ Ie'pa tö iiu̱té: —Sa' kë̀ é̱na be' ttakwa̱ íyi buaë wé̱ be' tö ese kue̱ki̱. Sa' é̱na be' ttakwa̱ be' tö Skëköl ché suluë e' kue̱ki̱. Be' dör s'ditsö ë̀, erë be' e̱' chö̀ tö be' dör Skëköl.

Juan 10:33 ပူးပေါင်းရင်းမြစ်များ

Juan 10:24

Eta̱ judiowak kë̀ e̱rblëne Jesús mik, esepa iënewa̱ ie' pamik tai̱ë ta̱ ie'pa tö ie' a̱ ichaké: —¿Ko̱s sa' tö be' ttè panemirö? Iwà chö́ sa' a̱ yësyësë tö be' dör wé̱ pairine'bitu̱ idi' wa s'blúie e' ö kë̀ be' dör e'.

Juan 10:30

Ie' ena ye', sa' dör eköl ë̀.

Juan 10:32

Ie' tö ie'pa a̱ iché: —Ye' Yë́ batamik íyi buaë wé̱ ye' tö tai̱ë a' wörki̱ ¿e' wé̱ kue̱ki̱ a' ki̱ ye' kiane ttèwa̱ ák wa?

Juan 19:7

Judiowak wökirpa tö iché ie' a̱: —Sa' wa̱ ttè dalöiëno tso', e' tö ichè ie' ka̱wöta̱ ttèwa̱, ie' e̱' yë' tö ie' dör Skëköl Alà e' kue̱ki̱.

Juan 5:18

Ttè e' tö judiowak wökirpa kí̱ uluwé̱ka̱, é̱na ie' ttakwa̱ ë̀me. Ie'pa kë̀ ulune ie' ki̱, ie' tö e̱no diwö dalöse̱wé̱wa̱, e' ë̀ kue̱ki̱. Erë ie' icheke tö Skëköl dör ie' yë́, es ie' e̱' chö̀ tö ñies ie' dör Skëköl, e' tö ie'pa kí̱ uluwé̱ tai̱ë ie' ki̱.

Romanos 13:1

Sulitane ka̱wöta̱ ká̱ wökirpa ttè dalöiök. Skëköl tö ka̱wö me' ie'pa a̱ s'wëttso̱ie. Itso'rak ko̱s e'pa tkë'ka̱ ie' tö.

Filipenses 2:6

Ie' wák dör Skëköl je', erë ie' kë̀ tkine e̱' ki̱ tö iwák dör Skëköl.