Hechos 19:2 - Tte Pa̱'a̱li̱ Me' Skëköl tö Se' a̱

² Ie' tö ie'pa a̱ ichaké: Mik a' e̱rblë' Jesús mik eta̱ ¿Wiköl Batse'r dë' a' ki̱? Ie'pa tö iiu̱té: —Kë̀ sa' wa̱ ittsëule tö Wiköl Batse'r tso'.

Hechos 19:2 ပူးပေါင်းရင်းမြစ်များ

Juan 7:39

Mik Jesús tö di' klö̀ka ché, eta̱ ie' tso' Skëköl Wiköl merdaë wé̱pa e̱rblé ie' mik esepa a̱, e' chök. Erë e' ké̱wö ska' ta̱ ka̱m Jesús mi'ka̱ne iyë́ ska' olo ta̱' tai̱ë, e' kue̱ki̱ ka̱m Skëköl Wiköl mer.

Hechos 10:44

Pedro tso'ia̱ ipakök ie'pa a̱ ta̱ e' shu̱a̱ Wiköl Batse'r debitu̱ ie'pa ko̱s tso' ie' ttö̀ ki̱ttsök, e'pa ki̱.

Hechos 19:5

Ttè e' ttsérakitö ta̱ iwöskuélor Skëkëpa Jesús ttö̀ wa.

Hechos 2:17

‘Skëköl tö ichè tö mik ká̱ i' e̱rkewatke, eta̱ ye' tö ye' Wiköl patkeraë sulitane ki̱. E' kue̱ki̱ a' ala'r, wëpa ena alakölpa, ekkëpa ko̱s ttöraë we̱s ye' ttekölpa es. A duladulapa a̱ ilè kkayërdaë kabsue̱ie ie'pa kë̀ ku̱' kapökwa̱ e' dalewa. Ñies a' këkëpa a̱ ilè kkayërdaë kabsuè̱ a̱.

Romanos 1:11

Sulu ye' é̱na a' sua̱k. Ye' é̱na a' ki̱mak a̱s a' e̱r diché kí̱ iër buaë Skëköl Wiköl wa.

1 Corintios 6:19

¿A' kë̀ wa̱ ijche̱r tö a' chkà dör Wiköl Batse'r e' wé? Skëköl tö iWiköl mé a' a̱, e' tso' a' a̱. Ie' tö a' to̱'ttsa̱bak, e' ské dör darërëë. A' kë̀ dör a' wákpa icha, a' dör ie' icha. E' kue̱ki̱ a' ké se̱nuk yësyësë a̱s ie' ki̱karka̱.

Gálatas 3:5

Ye' tö iskà chakéne a' a̱: ¿Skëköl tö iWiköl me' se' a̱, ñies ì kë̀ o̱r yi a̱ ese o̱'itö a' shu̱a̱, e' dör Moisés ttè dalöiëno e' iu̱tèsö, e' batamik? Au, kë̀ idör es. E' ko̱s o̱' Skëköl tö, se' tö Jesucristo tté buaë e' ttsë' ta̱ se' e̱rblë' imik e' kue̱ki̱.