Hechos 12:2 - Tte Pa̱'a̱li̱ Me' Skëköl tö Se' a̱

² Ie' tö Santiago dör Juan ël, e' ttökwa̱ patké tabè wa.

Hechos 12:2 ပူးပေါင်းရင်းမြစ်များ

Mateo 20:23

Ie' iché: —Moki̱ ye' tka̱' wayeraë a' tö, a' weirdaë we̱s ye' es. Erë e̱' tkökse̱r ye' ulà bua'kka ö ye' ulà bakli̱'kka, e' kë̀ ké̱wö menuk ye' a̱. E' tso'tke ye' Yë́ wa̱ klöule yi a̱ imekeitö esepa a̱.

Marcos 10:35

Santiago ena Juan e'pa dör Zebedeo ala'r e'pa dewa̱ Jesús o̱'mik ta̱ ichéitö ia̱: —A s'wöbla'u̱kwak, sa' ki̱ ikiane tö ì kieke sa' tö be' a̱ e' mú sa' a̱.

Marcos 10:38

Ie' tö ie'pa iu̱té: —A' kë̀ wa̱ ijche̱r ì kiök a' tso'. ¿Íyi yeraë ye' tö bacha'bachaë, e' yarmi a' a̱? ¿A' e̱' ché weinuk we̱s ye' weirdaë es?

Marcos 10:39

Ie'pa tö iiu̱té: —Tö́, sa' dirmi. Ie' tö iché ia̱: —Ye' tka̱' wà yeraë a' tö. A' weirdaë we̱s ye' es.

Hechos 12:1

E' ké̱wö ska' ta̱ blu' kiè Herodes, e' tö Skëkëpa Jesús icha we̱lepa klö'wé̱wa̱ we'ikè.

Hebreos 11:37

Ie'pa we̱lepa ttélur ák wa. We̱lepa ttélur jchëulettsa̱ shu̱sha̱ë. Ñies we̱lepa ttélur tabè wa. Ie'pa bak shkök wì̱ a̱ dià a̱ paiëule obeja kkuölit ö chibo kkuölit wa. Ie'pa dör sia̱rë, töiëne sia̱rë, weine tai̱ë.