Hechos 1:9 - Tte Pa̱'a̱li̱ Me' Skëköl tö Se' a̱

⁹ Mik ie' tö e' ché o̱ne, eta̱ ibutsé̱ka̱ mía̱ ká̱ jaì a̱ ie'pa wörki̱ ta̱ ichowa mò shu̱a̱ kë̀ wër ta̱'ia̱.

Hechos 1:9 ပူးပေါင်းရင်းမြစ်များ

Éxodo 19:9

Eta̱ Jehová tö iché ia̱: —Ye' ttö̀ ttsö́. Mochka tërdawa̱ ka̱bata ki̱ tai̱ë e' shu̱a̱ ye' datse̱ ttök be' ta̱ a̱s Israel aleripa ulitane tö ye' ttöke be' ta̱ e' ttsö̀. Es ie'pa tö be' ttè klö'we̱raë ke̱kraë. Eta̱ i̱ma Israel aleripa tö iiu̱té e' chéne Moisés tö Jehová a̱.

Marcos 16:19

Mik Skëkëpa Jesús ttè e' ché o̱ne, eta̱ ibutsé̱ka̱ mía̱ ká̱ jaì a̱ ta̱ ee̱ ie̱' tkése̱r Skëköl ulà bua'kka.

Lucas 21:27

Eta̱ ye' dör S'ditsö Alà, e' datse̱ mò a̱ diché ta̱' tai̱ë olo ta̱' tai̱ë, e' wërdaë.

Juan 6:62

Ye' dör S'ditsö Alà, e' míka̱ne ká̱ jaì a̱ wé̱ ye' datse̱ ee̱, e' mú sué̱ a' tö, e̱'ma e' je' ta̱ ¿a' e̱rblö̀mi ye' mik?

Hechos 1:11

E'pa tö iché ia̱rak: —A Galilea wakpa ¿iö́k a' iëte̱ria̱ ká̱ sa̱u̱k ká̱ jaì a̱? Jesús bak a' shu̱a̱ e' mítse̱r Skëköl wa̱. We̱s a' tö isué̱ tö imía̱ ká̱ jaì a̱, e' su̱ë idörane ká̱ i' ki̱.

1 Tesalonicenses 4:17

E' ukuöki̱ ta̱ se' tso' ttsë'ka ká̱ i' a̱, esepa ko̱s busdaka̱ ie'pa ta̱ ñita̱ mò a̱ ta̱ Skëkëpa Jesús kue̱raësö ka̱shu̱k a̱, eta̱ es se' tso'ie ie' ta̱ ke̱kraë.

1 Timoteo 3:16

Jesucristo siwé̱ e' kkayë' Skëköl tö se' a̱, ttè e' dör moki̱ë buaë shu̱te̱ë. Ttè e' dör i' es: Jesucristo yöne s'ditsöie. Ie' dör yësyësë e' kkayë' Skëköl Wiköl tö. Ie' su̱' Skëköl biyöchökwakpa tö. Ie' tté buaë e' pakane ká̱ wa'ñe wakpa a̱. Ie' mik pë' e̱rblöke ká̱ wa'ñe. Ie' kinewa̱ buaë ká̱ jaì a̱ olo ta̱' tai̱ë ee̱.

Apocalipsis 1:7

¡Ittsö́! Jesucristo datse̱ mò a̱. Sulitane tö ie' sue̱raë, ñies wé̱pa tö ie' kötwa̱, ie' tkë'rakitö kuaböt wa, e'pa tö isue̱raë. Mik ká̱ ulitane wakpa tö isué̱, eta̱ ie'pa i̱u̱raë sia̱rë suane yöki̱. Es iwà tköraë. Es e' idir.

Apocalipsis 11:12

E' ukuöki̱ ta̱ ttö̀ darërë datse̱ ká̱ jaì a̱, e' ttsé ittekölpa tö, e' tö iché: “¡A' shkö́ka̱ í̱e̱!” Eta̱ ie'pa míka̱ ká̱ jaì a̱ mò shu̱a̱, e' sué̱ ibolökpa tö.

Apocalipsis 14:4

Ie'pa dör yësyësë, kë̀ e̱' iao̱uleka̱ trë wa yës. Ie'pa michoë Obeja Pupula itöki̱ wé̱ imi'ke ee̱. Ie'pa tsa̱tkëne, ie'pa dör we̱s íyi tsá̱ mène Skëköl a̱ ena Obeja Pupula a̱ es.