Hebreos 4:3 - Tte Pa̱'a̱li̱ Me' Skëköl tö Se' a̱

³ Se' e̱rblé Skëköl mik, e'pa dörawa̱ ie' tö se' e̱nuwe̱ke e' a̱. Erë wé̱pa kë̀ e̱rblöku̱' ie' mik, esepa ché Skëköl tö iyëkkuö ki̱ i' es: “Ye' uluneka̱ ie'pa ki̱ eta̱ yö ichétke ie'pa kë̀ döpawa̱ wé̱ warma ie'pa e̱nuwe̱keyö ee̱.” Ie' tö iché es, erë́ ie' kanè e̱newa mik ká̱ i' yöne o̱ne eta̱.

Hebreos 4:3 ပူးပေါင်းရင်းမြစ်များ

Génesis 1:31

Ie' isué̱ tö ekkë ko̱s dör buaë shu̱te̱. Ekkë kanewé̱itö eta̱ ká̱ de teröl.

Éxodo 20:11

Ye' dör Jehová. Ye' tö ká̱ i' ena ká̱ jaì ena dayë ena íyi ulitane e' ko̱s yö' ká̱ teröl shu̱a̱. E' bule es ta̱ ye' e̱ni', e' kue̱ki̱ ka̱wö e' batseo̱'yö me'a̱työ a' a̱ e̱no diwöie ye' dalöioie.

Mateo 13:35

Ie' tö s'wöbla'wé̱ es, e' wa ì yë'bak Skëköl tteköl eköl tö e' wà tka, e' dör i' es: “Ye' tö s'wöbla'we̱raë kleaule. Ttè tso' blëule ká̱ ia̱ia̱ë ká̱ i' yöne e'ta̱mi, ese kkacherayö ie'pa a̱.” Es Skëköl tteköl tö iyë'.

Mateo 25:34

Eta̱ ye' tö icheraë wé̱pa tso' ye' ulà bua'kka e'pa a̱: ‘Ye' dör a' blú. Ye' yë́ e̱r bua' ché a' a̱. Mik ye' du' bli wa̱, eta̱ a' tö ye' dë'; mik ye' bak e̱rsinuk, eta̱ a' tö ye' a̱ di' me'; a' kë̀ wa̱ ye' su̱ule, erë a' tö ye' kiéwa̱ buaë a' u a̱. Ye' bak datsi' kë̀ ta̱', eta̱ a' tö ye' a̱ datsi' kakme'; ye' bak duök sia̱rë, eta̱ a' dë' ye' ki̱muk; ye' bak wötëulewa̱ s'wöto wé a̱, eta̱ a' dë' ye' sa̱u̱k. E' kue̱ki̱ a' shkö́wa̱ ì blúie ye' tso' e' a̱, e' ko̱s yöulebak a' a̱ ka̱m ká̱ i' yör e' yöki̱.’

Efesios 1:4

Ka̱m ie' tö ká̱ i' yuö̀, e' yöki̱ se' shu̱kitbakitö a̱s se' dö̀ batse'r, kë̀ ki̱ ì sulu ta̱' yës ie' wöa̱, se' batsulewa̱ Cristo mik e' batamik. Ie' é̱na se' dalër tai̱ë,

Hebreos 3:11

E' kue̱ki̱ ye' uluneka̱ ie'pa ki̱ eta̱ ye' iché tö ie'pa kë̀ döpawa̱ wé̱ warma ie'pa e̱nuwe̱ke ye' tö ee̱.”

Hebreos 3:14

Se' e̱rblö̀ Cristo mik buaë ke̱kraë dö̀ ibata ekkë we̱s kuaë es, e' ta̱ moki̱ se' tso' ie' ta̱. E' kue̱ki̱ a' ñì e̱r diché iö́ buaë.

Hebreos 9:26

Imú dör es, e̱'ma ká̱ i' yöne dö̀ ikkë ta̱, eta̱ ie' ka̱wöta̱ e̱' muktsa̱ ttèwa̱ duas bit ekkë. Erë e' kë̀ dör es. E' skéie, i̱'ñe ta̱ mik ká̱ i' e̱rkewatke, eta̱ ie' de e̱' muktsa̱ ttèwa̱ se' skéie etökicha ë̀ se' nuì̱ ko̱s paiklottsa̱.

1 Pedro 1:20

Ka̱m ká̱ i' yör, e' yöki̱ ie' tö Cristo wöme'ttsa̱bak ttèwa̱, erë i̱'ñe ta̱ mik ká̱ i' e̱rkewatke, eta̱ iwà tka a' tsa̱tkoie.