Génesis 50:19 - Tte Pa̱'a̱li̱ Me' Skëköl tö Se' a̱

¹⁹ Eta̱ ie' tö ie'pa iu̱té: —Kë̀ a' suanuk. Ye' kë̀ a̱ a' shu̱linuk Skëköl skéie.

Génesis 50:19 ပူးပေါင်းရင်းမြစ်များ

Génesis 30:2

Jacob uluneka̱ ie' ki̱ ta̱ ichéitö ia̱: —Ye' dör Skëköl kalì, e̱'ma ye' a̱ alà mermi be' a̱. Ie' wák tö be' méa̱t kë̀ dö̀ alàë.

Génesis 45:5

Skëköl tö ye' patkë'bitu̱ í̱e̱ a' yöki̱ ke̱we s'tsa̱tkoie ketba ulà a̱. E' kue̱ki̱ kë̀ a' e̱rianuk, kë̀ a' tkinuk ye' wato̱'ttsa̱ a' tö e' kue̱ki̱.

Génesis 50:18

Eta̱ iëlpa demi iwöki̱. Ie'pa wöéwa dö̀ i̱ski̱ idalöioie ta̱ ichérakitö: —I' sa' de be' wörki̱. Sa' dör be' kanè mésopa.

Génesis 50:20

A' íyi sulu bikeits wamblè ye' ki̱, erë e' mane'wé̱ttsa̱ne Skëköl tö buaë se' ki̱. E' wa tai̱ë pë' tsa̱tkëne i̱'ñe ta̱.

Mateo 14:27

Erë ie' iché ie'pa a̱: —¡A' e̱r kuú̱! Kë̀ a' suanuk, ye' idir.

Romanos 12:19

A yamipa dalër ye' é̱na, kë̀ ì sulu ské wamblarne yi ki̱. E' skéie imúa̱t Skëköl kësik ulà a̱. Ie' tö ichè iyëkkuö ki̱ i' es: “Ye' ë̀ wöki̱ iské wërke wè̱. Yi tö ì sulu wamblé, e' ské we̱rayö iki̱.”

Hebreos 10:30

Skëköl mik se' bàtse̱ e' tö ichè iyëkkuö ki̱ i' es: “Ye' ë̀ wöki̱ iské wërke wè̱. Yi tö ì sulu wamblé ese ské we̱rayö iki̱.” Ñies ichéitö: “Skëköl icha ko̱s esepa shu̱leraë ie' tö.”