Génesis 49:8 - Tte Pa̱'a̱li̱ Me' Skëköl tö Se' a̱

⁸ “A Judá, be' ëlpa tö be' ki̱keraka̱ tai̱ë. Be' bolökpa klö'we̱wa̱raë be' tö ikuli' a̱, es be' e̱' alöraka̱ ie'pa ki̱. Be' ëlpa e̱kka e̱' wöörawa i̱ski̱ be' dalöioie.

Génesis 49:8 ပူးပေါင်းရင်းမြစ်များ

Génesis 27:29

Ká̱ kua̱'ki̱ wakpa tai̱ë a̱s e' dö̀ be' kanè mésopaie. A̱s ie'pa e̱' tulö̀wa̱rak kuchë ki̱ be' wörki̱ be' dalöiök. A̱s be' mú dö̀ be' ëlpa wökirie. A̱s ie'pa e̱' tulö̀wa̱ kuchë ki̱ be' wörki̱ be' dalöiök. Wé̱pa e̱r sulu ché be' ki̱, esepa ki̱ Skëköl e̱r sulu ské chöraë. Ñies wé̱pa e̱r buaë ché be' a̱, esepa a̱ Skëköl e̱r buaë ské chöraë.”

Génesis 29:35

E' ukuöki̱ ta̱ ie' alà skà kéka̱ ta̱ ichéitö: “I̱'ñe ta̱ ye' tö Jehová ki̱kekeka̱.” E' kue̱ki̱ ikiè méka̱itö Judá. Eta̱ ekkë ë̀ ie' alà dë'.

Génesis 42:6

José dör Egipto ká̱ kue̱blu. Ie' tö chkewö watue̱ke sulitane datse̱ ita̱u̱k e'pa a̱. Mik iëlpa demi iwörki̱, eta̱ ie'pa wöéwa dö̀ i̱ski̱ ie' dalöiök.

Génesis 46:12

Judá ala'r kiè: Er, Onán, Selá, Fares ena Zérah. (Er ena Onán, e'pa blënewa̱ Canaán.) Fares ala'r kiè Hesrón ena Hamul.

Hebreos 10:13

Ee̱ ie' tkër Skëköl e̱' aléka̱ ibolökpa ko̱s ki̱, e' mekerö ie' klö̀ diki̱a̱ e' panuk.

Apocalipsis 11:15

Eta̱ Skëköl biyöchökwak bata tö iduk bla'wé̱, i' ta̱ ide kuktökicha. Eta̱ s'ttö̀ ttsëne tai̱ë darërëë ká̱ jaì a̱, e'pa tö iché: “I' ta̱ ká̱ ulitane wakpa ena iwökirpa, e'pa de Skëköl ena wé̱ pairine'bitu̱ idi' wa s'blúie, e'pa ulà a̱. Ie'pa tö s'wëttsè̱ michoë blu'ie.”

Apocalipsis 5:5

Eta̱ skëkëpa tso' ee̱ dabom böyök kí̱ tkël (24), e' eköl tö ye' a̱ iché: “Kë̀ be' i̱u̱kia̱. Ittsö́, eköl kiè Ma'name e' dör judáwak ditséwö, ie' këköl dör blu' bak ká̱ ia̱ia̱ë kiè David e'. Ie' e̱' ali'ka̱bak ibolökpa ko̱s ki̱. Ie' je' didir yëkkuö wöbatsulewa̱ kul e' kkö̀ batsöök ena ishu̱ppö́ök.”