Génesis 49:24 - Tte Pa̱'a̱li̱ Me' Skëköl tö Se' a̱

²⁴ Erë ie' ulà diché darërë; e' wa ie' wa̱ ishkame' shu̱irikar darërëë, kë̀ ulà shtrirta̱'wa̱ yës. Skëköl tö ie' a̱ diché e' mé. Skëköl e' dör Jacob Këköl e' diché ta̱' tai̱ë. Skëköl e' dör Israel aleripa kkö'nukwak. Ie' tö Israel aleripa tsa̱tkeke.

Génesis 49:24 ပူးပေါင်းရင်းမြစ်များ

Génesis 45:11

Ketba duéswö kianeia̱ ske̱l. E' kue̱ki̱ ye' tö chkewö meraë a' ulitane a̱ a̱s a' wa̱ chkewö tso' wë'.’

Génesis 45:5

Skëköl tö ye' patkë'bitu̱ í̱e̱ a' yöki̱ ke̱we s'tsa̱tkoie ketba ulà a̱. E' kue̱ki̱ kë̀ a' e̱rianuk, kë̀ a' tkinuk ye' wato̱'ttsa̱ a' tö e' kue̱ki̱.

Génesis 45:7

Erë Skëköl tö ye' patkë'bitu̱ ká̱ i' ki̱ a' yöki̱ ke̱we a̱s a' aleripa kë̀ e̱rwa a̱s Skëköl tö a' tsa̱tkö̀ ie' diché tai̱ë e' wa.

Génesis 47:12

Ñies ie' tö chkewö meke iyamipa a̱ ko̱s ila'rla tso' u a̱ u a̱ ekkë.

Génesis 48:15

Eta̱ ie̱r bua' ché José a̱ i' es: “A̱s Skëköl e̱r buaë chö̀ ala'r böl i' a̱ ke̱kraë. Ye' yë́pa bak Abraham ena Isaac, e'pa bak Skëköl e' dalöiök, e' tö ye' kkö'nami kuaë dö̀ ikkë ta̱. Ie' tö ye' tsa̱tké ke̱kraë íyi sulusi ulà a̱. A̱s ala'r i' wa kë̀ ye' chöwa sulitane é̱na ke̱kraë. Ñies ye' yë́pa bak Abraham ena Isaac a̱s e'pa kë̀ chöwa sulitane é̱na ke̱kraë. A̱s ala'r i' alör tai̱ë ká̱ ulitane ki̱.”

Génesis 49:23

Kuaböt namépa é̱na sulu ia̱r, ie' ki̱ kuaböt u̱yérakitö kësik wa.

Génesis 50:21

E' kue̱ki̱ kë̀ a' suanuk. Chkewö meraëyö a' a̱ ena a' ala'r ko̱s a̱. Es ie' tö ie'pa a̱ iché e̱r buaë wa. E' tö ie'pa ttsë'wé̱ne buaë.

Éxodo 3:6

Ye' dör be' yë́ e' Këköl ena be' yë́pa bak ká̱ ia̱ia̱ë kiè Abraham, Isaac ena Jacob e'pa Këköl. Moisés suane Skëköl sa̱u̱kwa̱, e' kue̱ki̱ ie' e̱' wöpabakéwa̱.

Mateo 21:42

Eta̱ ie' tö iché ie'pa a̱: —Ye' tté tso' kitule Skëköl yëkkuö ki̱, ¿e' kë̀ su̱ne a' wa̱? E' tö ichè: ‘Ák watë'ttsa̱ u yuökwakpa tö e' yönene ák bua'buaie. E' kaneo̱' Skëköl tö, ta̱ e' tö s'ttsë'we̱ke buaë, s'tkinewa̱ iweblök.’ Es Skëköl yëkkuö tö iyë'a̱t.

Marcos 12:10

Ye' tté tso' kitule Skëköl yëkkuö ki̱, ¿e' kë̀ su̱ne a' wa̱? E' tö ichè: ‘Ák watéttsa̱ u yuökwakpa tö e' yönene ák bua'buaie.

Lucas 20:17

Erë ie' tö ie'pa sué̱ krereë, ta̱ ichéitö: —¿We̱s a' tö ibikeitsèmi tö e' kë̀ tkö̀pa a' ta̱? Skëköl yëkkuö tö ye' ché i' es: ‘Ák watë'ttsa̱ u yuökwakpa tö, e' yönene ák bua'buaie.’

Hechos 4:11

Skëköl yëkkuö ki̱ itso' kitule: “Ák watë'ttsa̱ u yuökwakpa tö, e' yönene ák bua'buaie.” Ák e' dör Jesucristo chè.

Romanos 14:4

Se' dör Skëkëpa Cristo kanè mésopa. We̱s se' wër ie' wa eköl eköl, e' wërke ie' wák wöki̱. Ie' a̱ se' ki̱mermi a̱s se' wër buaë ie' wa, e' kue̱ki̱ se' wërdaë ie' wa buaë. E' kue̱ki̱ ¿we̱s s'yamipa chèmisö suluë?

Efesios 2:20

Se' dör we̱s u es. Jesús ttekölpa tsá̱ ena Skëköl ttekölpa, e'pa dör we̱s u kukulëwö es. Jesucristo wák dör we̱s u chkí es.

Colosenses 1:11

Sa' tö ikieke S'yë́ a̱ tö ie' tö a' e̱r diché iö̀, ie' olo tai̱ë, ie' diché tai̱ë, e' wa. Es idir, e' ta̱ a' weirke ko̱s e' dalë'ttsërmi a' a̱ e̱r bua' wa. Ñies ì ko̱s wé̱ S'yë́ tö a' a̱, e' ki̱ wëstela cheraë a' tö ie' a̱ ttsë'ne bua' wa. Ì tso' ie' wa̱ mè se' dör ie' icha batse'rpa e'pa a̱ ilo bur tai̱ë e' a̱, e' yök a' yuétkeitö a̱s idö̀ a' ulà a̱ ñies.

2 Timoteo 4:17

Erë Skëkëpa Jesús tö ye' ki̱mé, ie' tö ye' a̱ idiché mé a̱s ye' tö S'tsa̱tkökwak tté pakö̀ sulitane tso' ee̱, kë̀ dör judiowak, e'pa kukua. Es Skëkëpa Jesús tö ye' tsa̱tkée ye' bolökpa é̱na ye' ttakwa̱ e'pa ulà a̱.