Génesis 49:18 - Tte Pa̱'a̱li̱ Me' Skëköl tö Se' a̱

¹⁸ “¡A Jehová, ye' tso' be' panuk tö ye' tsa̱tkö́!

Génesis 49:18 ပူးပေါင်းရင်းမြစ်များ

Génesis 49:17

Dan döraë we̱s tkabë̀ chö́k tso' ñala̱ kkö̀ a̱ tö kabaio kuè iklö a̱ ta̱ iwák bruta̱ne itsi̱wökka ese es.

Éxodo 15:2

Ye' tso' ttsök Jehová ë̀ a̱. Ie' tö ye' a̱ idiché mé. Ie' tö ye' tsa̱tkée. Ie' dör ye' Këköl. Ye' ka̱wöta̱ ie' ki̱kökka̱ buaë. Ie' dör ye' yë́ Këköl. Ye' tö ie' dalöieraë e̱r moki̱ wa.

Mateo 1:21

Ie' alà ku̱rdaë eköl wák wëm. Ikiè múka̱bö Jesús Ie' tö iwakpa tsa̱tkeraë se̱ne sulu nuí̱ yöki̱, e' kue̱ki̱ ikiè múka̱ es.” Es Skëköl biyöchökwak tté José ta̱.

Lucas 1:30

Eta̱ Skëköl biyöchökwak tö iché ie' a̱: —A María, Skëköl e̱r buaë ché be' a̱, e' kue̱ki̱ kë̀ be' suanuk.

Lucas 2:25

E' ké̱wö ska' ta̱ wëm se̱rke Jerusalén kiè Simeón. Ie' se̱rke yësyësë we̱s Skëköl ki̱ ikiane es. Skëköl tö Israel aleripa tsa̱tkeke e' ké̱wö paneke ie' tö. Wiköl Batse'r tso' ie' a̱,

Lucas 2:30

Sa' tsa̱tkökwak patké be' tö e' wà sué̱ia̱yö ye' wák wöbla wa.

Romanos 8:19

Aishkuö ta̱ ikkayërdaë wösha̱ë tö se' dör Skëköl ala'r. E' ké̱wö paneke kröröë íyi ulitane yö'a̱t Skëköl tö ese tö.

Romanos 8:25

Erë ì ka̱m sa̱ù̱sö ese panekesö, e' ta̱ se' ka̱wöta̱ ipanuk bë̀rë s'weirke ko̱s e' dalë'ttsè wa.

Gálatas 5:5

Erë se' e̱rblöke Cristo mik, esepa wa̱ ijche̱r Skëköl Wiköl wa tö ie' tö se' klö'we̱raë we̱s pë' buaë yësyësë es, se' e̱rblé Cristo mik, e' batamik. E' wà panekesö ttsë'ne bua' wa.

1 Tesalonicenses 1:10

Ñies ie'pa tö icheke sa' a̱ tö a' tso' Jesús datse̱ ká̱ jaì a̱, e' panuk e̱r moki̱ wa. Ie' dör Skëköl Alà. Ie' köte̱wa̱, erë Skëköl tö ie' shke̱o̱'ka̱ne. Ie' tö se' tsa̱tkée, se' weirdaë sia̱rë aishkuö ta̱, e' yöki̱.