Génesis 49:10 - Tte Pa̱'a̱li̱ Me' Skëköl tö Se' a̱

¹⁰ Judá aleripa döraë blu'paie tai̱ë ke̱kraë dö̀ mik iblú chö́k de eta̱. Blu' e' ttö̀ iu̱teraë sulitane tö.

Génesis 49:10 ပူးပေါင်းရင်းမြစ်များ

Mateo 1:21

Ie' alà ku̱rdaë eköl wák wëm. Ikiè múka̱bö Jesús Ie' tö iwakpa tsa̱tkeraë se̱ne sulu nuí̱ yöki̱, e' kue̱ki̱ ikiè múka̱ es.” Es Skëköl biyöchökwak tté José ta̱.

Mateo 17:5

Ie' ttökeia̱ e' wösha̱ ta̱ mochka wöñarke dalölöë ese tö ie'pa ki̱téwa̱. Mochka shu̱a̱ ie'pa tö ttö̀ ttsé tö ichè: “Se̱ dör ye' alà dalër tai̱ë ye' é̱na, e' wër buaë shu̱te̱ ye' wa. Ie' ttö̀ iu̱tö́.”

Mateo 21:9

Pë' mirwa̱ ke̱weie Jesús yöki̱ ñies itöki̱, e'pa ulitane a̱rke tai̱ë: —¡Ie' i' dör se' blú bak David e' aleri, e' ki̱köka̱sö! Ayëcha buaë ie' datse̱ Skëköl ttö̀ wa. ¡Skëköl tso' ká̱ jaì a̱ e' ki̱köka̱sö!

Mateo 25:32

Ie'pa dapardaë ye' wörki̱ ta̱ ye' tö ie'pa blabatseraë we̱s iyiwak kkö'nukwak tö obeja ena chibo blabatsè es.

Juan 12:32

Mik ye' wötënewa̱ krus mik e' tkëneka̱, eta̱ ye' wa̱ sulitane bitu̱raë ye' ska'.

Juan 18:31

Ie' tö ie'pa a̱ iché: —Itsú̱mine ta̱ ishu̱lö́ we̱s a' wakpa ttè dalöiëno e' tö ichè es. Erë judiowak wökirpa tö iché: —Kë̀ sa' a̱ ka̱wö mène s'ttökwa̱.

Juan 19:12

Eta̱ Pilato tö ibikeitséka̱ tai̱ë tö we̱s ie' a̱ Jesús armimine, erë judiowak tö iché ie' a̱ a̱neule: —Be' ie' émine, e' ta̱ be' mía̱ romawak wökir kibi e' bolökie. Wé̱ e̱' chö̀ tö ie' dör blu', ese dör se' wökir kibi e' bolök.

Juan 19:15

Erë ie'pa tö iché a̱neule: —¡Ittö́wa̱! ¡Ittö́wa̱! ¡Iwötö́wa̱ krus mik! Pilato tö ie'pa a̱ iché: ¿I̱ma a' ibikeitsè tö ye' tö a' blú ttèwa̱mi? Sacerdotepa wökirpa tö iiu̱té: —Sa' blú eköl ë̀, e' dör romawak wökir kibi.

Juan 9:7

Ta̱ ichéitö ie' a̱: —Be' yú wöskuök di'dape kiè Siloé ee̱. (Siloé e' wà kiane chè: “patkëule”). Wëm wöbla kë̀ wawër e' mía̱ ta̱ iwöskuée ta̱ iwöbla wawënene buaë ta̱ imía̱ iu a̱.

Romanos 15:12

Ñies Isaías tö ikita̱t iyëkkuö ki̱ i' es: “Jesé aleri eköl döraë se' shu̱a̱, e' tkërdaka̱ ká̱ ulitane wakpa wëttso̱ie. Pë' kë̀ dör judiowak esepa tö ie' ë̀ paneraë e̱' tsa̱tkoie.” Es itso' kitule.

Apocalipsis 11:15

Eta̱ Skëköl biyöchökwak bata tö iduk bla'wé̱, i' ta̱ ide kuktökicha. Eta̱ s'ttö̀ ttsëne tai̱ë darërëë ká̱ jaì a̱, e'pa tö iché: “I' ta̱ ká̱ ulitane wakpa ena iwökirpa, e'pa de Skëköl ena wé̱ pairine'bitu̱ idi' wa s'blúie, e'pa ulà a̱. Ie'pa tö s'wëttsè̱ michoë blu'ie.”