Génesis 42:22 - Tte Pa̱'a̱li̱ Me' Skëköl tö Se' a̱

²² Eta̱ Rubén tö iiu̱té: —Ye' tö iyë' a' a̱: “Kë̀ ì wamblar José ki̱.” Erë a' kë̀ wa̱ ye' ttö̀ iu̱tëne. E' kue̱ki̱ i̱'ñe ta̱ se' ka̱wöta̱ idu'wa̱ e' nuí̱ patau̱k.

Génesis 42:22 ပူးပေါင်းရင်းမြစ်များ

Génesis 4:10

Skëköl tö ie' a̱ iché: —¿Iö́k bö iwamblé es? Be' ël ttéwa̱bö, e' pë́ tëne tai̱ë íyök ki̱, e' nuí̱ tso' be' ki̱. E' ki̱ ye' ka̱wöta̱ be' we'ikök.

Génesis 42:23

José ttöke iëlpa ta̱ egiptowak ttö̀ wa e' pakekene o̱'ka tö ie'pa a̱ iwakpa ttö̀ wa. E' kue̱ki̱ ie'pa kë̀ wa̱ ijche̱r tö ie'pa ttöke e' a̱ne ie' é̱na.

Génesis 45:3

José tö iché iëlpa a̱: —Ye' dör José. ¿Se' yë́ tso'ia̱ ttsë'ka? Ie'pa tkirulune tai̱ë suane José yöki̱, e' kue̱ki̱ kë̀ ie'pa a̱ ie' iu̱tëneia̱.

Génesis 50:15

Jacob blënewa̱ e' ukuöki̱ ta̱ José ëlpa tö ibikeitsé: “Isalema José é̱na sulu se' a̱rke. Ì ko̱s wamblë' se' tö ie' ki̱ e' skéie se' we'ikeraëitö.”

Lucas 23:41

Moki̱ se' weirke se' wák kue̱ki̱, se' nuì̱ kue̱ki̱. Erë ie' kë̀ wa̱ ì sulu wamblëne yës.

Hechos 28:4

Mik ká̱ e' wakpa tö isué̱ tö tkabë̀ moar Pablo ulà mik, eta̱ ichérakitö ñì a̱: “Wëm i' wa̱ s'kötulewa̱ alè. Erë́ dayë a̱ itsa̱tkëne, erë s'shu̱lökwak tso' ká̱ jaì a̱ e' kë̀ wa̱ ka̱wö mène ia̱ a̱s ise̱r.”

Apocalipsis 13:10

“Wé̱pa suletë'bak Skëköl tö klö'wè̱wa̱, esepa tse̱rdami klöulewa̱. Wé̱pa suletë'bak Skëköl tö duökwa̱ tabè kkö́ a̱, esepa tterawa̱ tabè wa.” E' wa s'batse'rpa e̱' tkö̀wa̱ darërë ena ie̱rblö̀ ie' mik e' wërdaë.

Apocalipsis 16:9

Dìba e' tö sulitane pa shayo'wé̱ttsa̱ tai̱ë. Ì sulu ikkë ko̱s patké Skëköl tö ie'pa ki̱, erë ie'pa kë̀ é̱na ì sulu wambleke ie'pa tö ese olo'yak, ie'pa kë̀ e̱r mane'wa̱k ie' a̱. Ie'pa kë̀ é̱na ie' ki̱kakka̱. E' skéie ie'pa tö ie' ché suluë.