Génesis 35:18 - Tte Pa̱'a̱li̱ Me' Skëköl tö Se' a̱

¹⁸ Eta̱ Raquel wake' duökewa̱tke, isiwa̱' bata tkökeia̱, e' shu̱a̱ ilà kiè méka̱a̱titö Ben-oní. Erë ilà yë́ tö ikiè mane'wé̱ Benjamín.

Génesis 35:18 ပူးပေါင်းရင်းမြစ်များ

Génesis 30:1

Mik Raquel tö isué̱ tö ie' kë̀ dö̀ alàë, eta̱ ie' sibineka̱ iël ki̱. Ie' tö iché iwëm a̱: —Be' kë̀ tö ye' a̱ alà mè, e' ta̱ ye' duörawa̱.

Génesis 35:17

Ie' tso'tke suluë ichö́k eta̱ ikkö'nukwak dur ee̱, e' tö iché ia̱: “Kë̀ be' suanuk. Be' alà ku̱ne. E' wák dör wëm.”

Génesis 35:19

Es Raquel blënewa̱. Inú wötéwa̱rakitö Efrata ñalé̱ ki̱. I̱'ñe ta̱ ká̱ e' kiè Belén.

Génesis 35:24

Ila'r Raquel ta̱ e'pa dör José ena Benjamín.

Génesis 42:38

Ie' tö iiu̱té: —Ye' alà kë̀ mìne a' ta̱. Iël José du'wa̱ ta̱ ie' ë̀ dawa̱ia̱. Dö' ì sulu tkö̀ ie' ta̱ ñala̱ ki̱, e' ta̱ këkëla i' duömiwa̱ ilà dalërmik ta̱ a' iane iwiie.

Génesis 42:4

Erë Jacob kë̀ wa̱ ilà Benjamín, e' dör José ël táie imì wa, e' patkënemi iëlpa ta̱ ie' ibikeitsé dö' ì tkö̀ ita̱ ñala̱ ki̱.

Génesis 43:14

Skëköl Diché Ta̱' Íyi Ulitane Tsa̱ta̱ e' a̱ ikiéyö a̱s wëm ñe' tö a' sa̱ù̱ e̱r sia̱rë wa ta̱ imú tö be' ël ena Benjamín ö́bitu̱ne. Ye' a̱te̱ alà kë̀ ta̱', erë ¿we̱s ye' e̱' ù̱miia̱?

Génesis 49:27

“Benjamín dör we̱s chichi kañiru kësikie ese es; bla'mi ta̱ iyiwak ttéwa̱itö katè, tsá̱li̱ ta̱ ibata watiéwa̱itö.”

Éxodo 12:7

E' ukuöki̱ ta̱ a' tö iklö'ú̱ ta̱ u wé̱ a̱ a' tö ikateke, e' wékkö kàtke patiú̱ka̱ a' tö ipë́ wa.

Lucas 12:20

Erë Skëköl tö iché ie' a̱: ‘Be' kukuö̀ darërëë, bë́rë nañewe be' duöwa̱raë, eta̱ ì ko̱s tso' be' wa̱ blëule, e' a̱te̱ pë' kua̱'ki̱ ulà a̱.’ ”

Lucas 23:46

Eta̱ Jesús tö iché a̱neule: —A yë́wö, ye' wiköl méa̱t be' ulà a̱. E' chéitö ta̱ isiwa̱' bata tké.

Hechos 7:59

Ie'pa tso' Esteban tök ák wa, e' dalewa ie' tö ikié Skëköl a̱ i' es: “A Skëkëpa Jesús, ye' wiköl tsú̱mi be' ska'.”