Génesis 33:5 - Tte Pa̱'a̱li̱ Me' Skëköl tö Se' a̱

⁵ E' ukuöki̱ ta̱ Esaú tö Jacob alakölpa ena ila'rla e'pa sué̱ ta̱ ichakéitö ia̱: —¿Wí̱kkëpa dör yi? Jacob tö iiu̱té: —A këkëpa, Skëköl tö ala'rla wí̱kkëpa mé ye' a̱.

Génesis 33:5 ပူးပေါင်းရင်းမြစ်များ

Génesis 30:2

Jacob uluneka̱ ie' ki̱ ta̱ ichéitö ia̱: —Ye' dör Skëköl kalì, e̱'ma ye' a̱ alà mermi be' a̱. Ie' wák tö be' méa̱t kë̀ dö̀ alàë.

Génesis 33:6

Eta̱ ilakölpa kanè mésopa e'pa de ila'rlaë ta̱ iwö éwarak dö̀ i̱ski̱.

Génesis 48:9

Ie' tö iiu̱té: —I'pa dör ye' ala'r mé Skëköl tö ye' a̱ ká̱ i' ki̱. Eta̱ iyë́ tö iché ia̱: —Ie'pa tsú̱bitu̱ ye' ska' a̱s ye' e̱r bua' chö̀ ie'pa a̱.

Hebreos 2:13

Ñies iskà tso' kitule Skëköl yëkkuö ki̱ wé̱ Jesús tö iché i' es: “Ye' e̱rblöraë Skëköl ë̀ mik.” Ñies ichéitö: “Í̱e̱ ye' dur, wé̱pa me' Skëköl tö ye' a̱ ala'rie, e'pa ta̱.”