Génesis 32:6 - Tte Pa̱'a̱li̱ Me' Skëköl tö Se' a̱

⁶ Mik ibiyö̀ wakpa dene, eta̱ ie' a̱ ichéitö: —Sa' dare be' ël ska', e' wák datse̱ bet be' shke̱'u̱k. Eta̱ ie' wa̱ wëpa datse̱ e̱' ta̱ döka̱ cien tkëyök (400).

Génesis 32:6 ပူးပေါင်းရင်းမြစ်များ

Génesis 32:11

Be' we'ikèyö, ye' tsa̱tkö́ ye' ël Esaú e' ulà a̱. Ye' suane ie' yöki̱ dö' ie' datse̱ ñippök ye' ta̱; ñies dö' ye' alakölpa ena ye' ala'rla e'pa ko̱s e̱wè̱wa ie' tö.

Génesis 32:7

Mik e' ttséitö, eta̱ tai̱ë ie' suane. Tai̱ë ie' ka̱bikeitséka̱ we̱s ye' e̱' ù̱mi. E' kue̱ki̱ ie' tö iyamipa ena ikanè mésopa ena iobeja ena ibaka ena ikameio e' ko̱s blabatsélor böl tsi̱ní.

Génesis 32:8

Ie' ibikeitsé tö isalema ye' ël ñippö̀mi ek tsi̱ní ta̱, e' dalewa iëk tsi̱ní tköshkarmirak. E' kue̱ki̱ ie' iblabatsélor es.

Génesis 33:1

Mik Jacob tö isué̱ tö ie' ël datse̱ ena wëpa tai̱ë datse̱ ie' wa̱ döka̱ cien tkëyök (400), eta̱ ie' tö ila'rla blabatsé. E'pa méitö Lía a̱ ena Raquel a̱ ena e'pa kanè mésopa böl a̱.

Génesis 33:15

Eta̱ Esaú tö iiu̱té: —E̱'ma buaë idir. Ka̱wö mú ña ye' kanè mésopa we̱lepa muka̱t be' a̱ be' ki̱moie. Erë Jacob tö iiu̱té: —Au, ¿iö́k be' e̱' we'ikö̀ ye' wa̱ ekkë chökle?

Génesis 33:8

E' bet ta̱ Esaú tö ie' a̱ ichaké: —Iyiwak kué̱yö ñala̱ ki̱ ulawa ulawa ¿ìie e' dör? Ie' iiu̱té: —E' dör a̱s be' e̱r buarne ye' ki̱.

Génesis 34:11

Ñies Siquem tté Dina yë́ ta̱ ena ikëpa ta̱, eta̱ ichéitö ia̱: —Ye' a' pablè tö ye' ttè klö'ú̱. Ye' tö a' a̱ íyi kakmeraë ko̱s a' ki̱ ikiane ekkë.

Génesis 47:25

Eta̱ ie'pa tö iiu̱té: —Be' tö sa' tsa̱tké ketba ulà a̱. Be' e̱r bua' sa' ta̱. E' kue̱ki̱ sa' e̱' chöke Egipto blú kanè mésopaie.