Génesis 25:23 - Tte Pa̱'a̱li̱ Me' Skëköl tö Se' a̱

²³ E' tö ie' a̱ iché: “Be' shu̱a̱ ala'r tso' böl. Mik ie'pa de këchke, eta̱ ikibi ë́k döraë itsirla kanè mésoie. Ie'pa aleripa döraë ká̱ böt ñì bolökpa ese wakpa. Itsirla aleripa döraë diché kibiie ikibi aleripa tsa̱ta̱. E' kue̱ki̱ ie'pa ñippémitke ka̱m iku̱r e' yöki̱.”

Génesis 25:23 ပူးပေါင်းရင်းမြစ်များ

Génesis 17:16

Ye' e̱r buaë chöraë ie' a̱ a̱s ie' alà kö̀ka̱ be' a̱. Moki̱ ye' e̱r buaë chöraë ie' a̱. Ie' döraë ká̱ tai̱ë wakpa mìie. Ñies ie' aleripa shu̱ döraë blu'paie.

Génesis 17:4

—Ye' ttè meke be' a̱ e' dör i' es: Be' döraë ká̱ tai̱ë wakpa yë́ie.

Génesis 24:60

Ie'pa mitke ta̱ Rebeca yamipa e̱r buaë ché ie' a̱ ttè i' wa: “A sa' yami, A̱s be' alör tai̱ë shu̱te̱ë. A̱s be' aleripa e̱' alö̀ka̱ ibolökpa ko̱s ki̱.”

Génesis 25:24

Rebeca ké̱wö de, eta̱ klöpa ku̱ne wëpa.

Génesis 25:27

Klöpa kibinetke. Esaú dör yëria poë. Ie' wöbatsö sulu yëble wa. Erë iël Jacob, e' kë̀ dör es. Ie' se̱rke bë̀rë. Ie' wöbatsö se̱nuk u a̱ ë̀.

Génesis 27:29

Ká̱ kua̱'ki̱ wakpa tai̱ë a̱s e' dö̀ be' kanè mésopaie. A̱s ie'pa e̱' tulö̀wa̱rak kuchë ki̱ be' wörki̱ be' dalöiök. A̱s be' mú dö̀ be' ëlpa wökirie. A̱s ie'pa e̱' tulö̀wa̱ kuchë ki̱ be' wörki̱ be' dalöiök. Wé̱pa e̱r sulu ché be' ki̱, esepa ki̱ Skëköl e̱r sulu ské chöraë. Ñies wé̱pa e̱r buaë ché be' a̱, esepa a̱ Skëköl e̱r buaë ské chöraë.”

Génesis 27:33

Isaac tkinewa̱ painéka̱ tai̱ë ta̱ ichéitö: —E̱'ma ¿yi dare yëblök, e' wa̱ chkè debitu̱ ña? E' katéwayö se̱raa̱ ka̱m be' dö̀ e' yöki̱. E' a̱ ye' e̱r buaë chétke. Es ie' a̱ ye' e̱r buaë chè e' a̱te̱tke.

Génesis 27:37

Isaac tö iiu̱té: —Ittsö́. Ye' tö ie' méka̱tke be' wökirie. Ye' tö be' aleripa ko̱s e' métke ie' kanè mésopaie. Ñies ye' tö ichétke a̱s chkewö ena vino dö̀ ie' ulà a̱ tai̱ë. A alà, ¿ì memiia̱ ye' tö be' a̱ i' ta̱?

Génesis 27:40

Be' ñippöraë tabè wa o̱'ka ta̱ iíyi kue̱ki̱, e' mik be' se̱rdaë. Be' döraë be' ël kanè mésoie. Erë mik be' ñippémi ie' ta̱, eta̱ be' e̱' yörattsa̱ ie' ulà a̱.”

Génesis 32:6

Mik ibiyö̀ wakpa dene, eta̱ ie' a̱ ichéitö: —Sa' dare be' ël ska', e' wák datse̱ bet be' shke̱'u̱k. Eta̱ ie' wa̱ wëpa datse̱ e̱' ta̱ döka̱ cien tkëyök (400).

Génesis 33:3

Eta̱ ie' wák tkami ke̱we ie'pa yöki̱. Ie' mirwa̱ ie' ël wörki̱ e' dalewa ie' wöémi dö̀ i̱ski̱ es iwöömir döka̱ kuktökicha (7 veces). Es ie' demi tsi̱net iël wörki̱.

Génesis 36:31

I'pa dör Edom blu'pa, ka̱m Israel aleripa blúpa dö̀ e' yöki̱.

Génesis 48:19

Erë iyë́ kë̀ wa̱ io̱ne es. Ie' tö iché ia̱: —¡A alà, e' jche̱r ye' wa̱, e' jche̱r ye' wa̱! Ie' alördaë tai̱ë, ie' döraë këkëpa tai̱ë. Erë itsirla ë́k e' döraë këkëpa tai̱ë shu̱te̱ ikibi tsa̱ta̱. Ñies ie' aleripa döraë ká̱ tai̱ë e' wakpaie.