Génesis 22:14 - Tte Pa̱'a̱li̱ Me' Skëköl tö Se' a̱

¹⁴ Ie' tö ká̱ e' kiè méka̱ i' es: “Ì kiane se' ki̱ e' mera Jehová tö.” E' kue̱ki̱ i̱'ñe ta̱ se' tö ichekeia̱: “Ì kiane se' ki̱, e' merdaë se' a̱ Jehová ké̱bata a̱.”

Génesis 22:14 ပူးပေါင်းရင်းမြစ်များ

Génesis 22:13

E' wösha̱ Abraham tö isué̱ tö obeja wë'ñe e' mali̱tsé̱wa̱ idula' a̱ kal tsitsir chale a̱. Ie' tö iyiwak e' klö'wé̱wa̱ jché ña'wé̱wa ilà skéie Jehová dalöioie.

Génesis 22:15

Jehová biyöchökwak bua'ie e' tö Abraham skà kié ká̱ jaì a̱ ta̱ ichéitö ia̱: —Jehová tö iché: ‘Buaë be' tö ye' dalöieke, be' alà eköl ë̀, e' méttsa̱bö ye' a̱.

Génesis 22:8

Iyë́ tö iiu̱té: —A alà, Skëköl wák tö e' meraë se' a̱. Ie'pa mir ñita̱.

Génesis 28:19

Ká̱ e' kiè mane'wé̱ttsa̱ne ie' tö Betel Ke̱we ta̱ ká̱ e' kiè Luz.

Génesis 32:30

Ie' tö ká̱ e' kiè méka̱ Penuel. Ie' tö iché: “Erë́ ye' tö Skëköl wák sué̱wa̱ ye' wöbla wa, erë kë̀ ye' du'wa̱.” E' kue̱ki̱ ká̱ e' kiè méka̱itö es.

Éxodo 17:15

Eta̱ Moisés tö ák dapa'wé̱ka̱ ka̱'ie et iyiwak ña'wo̱ie Jehová dalöioie. E' kiè méka̱itö “Jehová diché wa se' e̱' aléka̱.”

Juan 1:14

Wé̱ kiè Skëköl Ttö̀ ñe' yöne s'ditsöie ta̱ ise̱ne' sa' shu̱a̱. Ie' dör Skëköl Alà eköl ë̀ e'. Ie' wa Skëköl e̱r buaë chö̀ se' a̱ ena we̱s Skëköl dör moki̱, e' ko̱s kkayëne se' a̱. E' su̱' sa' tö.

1 Timoteo 3:16

Jesucristo siwé̱ e' kkayë' Skëköl tö se' a̱, ttè e' dör moki̱ë buaë shu̱te̱ë. Ttè e' dör i' es: Jesucristo yöne s'ditsöie. Ie' dör yësyësë e' kkayë' Skëköl Wiköl tö. Ie' su̱' Skëköl biyöchökwakpa tö. Ie' tté buaë e' pakane ká̱ wa'ñe wakpa a̱. Ie' mik pë' e̱rblöke ká̱ wa'ñe. Ie' kinewa̱ buaë ká̱ jaì a̱ olo ta̱' tai̱ë ee̱.