Génesis 19:24 - Tte Pa̱'a̱li̱ Me' Skëköl tö Se' a̱

²⁴ Eta̱ azufre wöñarke bö'ie e' patkébitu̱ Jehová tö tai̱ë Sodoma ena Gomorra ki̱.

Génesis 19:24 ပူးပေါင်းရင်းမြစ်များ

Génesis 13:10

Eta̱ Lot ká̱ kí̱ sué̱ ka̱mië, eta̱ ko̱s di' kiè Jordán, e' kkömik ká̱ buaë tso', e' kí̱ sué̱ ie' tö. Eta̱ ie' tö isué̱ tö ká̱ e' dör buaë dö̀ ká̱ kiè Sóar ee̱. Buaë di' tso' we̱s ká̱ buaë yö' Jehová tö es ena we̱s Egipto es. (E' ké̱wö ska' ta̱ ka̱m Jehová tö ká̱ kiè Sodoma ena ká̱ kiè Gomorra, e' böt e̱ù̱wa.)

Génesis 13:12

Abram e̱' tsé̱a̱t se̱nuk Canaán. Lot mía̱ se̱nuk Jordán ka̱kkue ki̱, ee̱ ká̱ tso' tseë. Ie' se̱né tsi̱net ká̱ kiè Sodoma e' o̱'mik.

Génesis 18:17

Eta̱ Jehová tö ibikeitsé: “Abraham aleripa alördaë tai̱ë diché ta̱' tai̱ë. Ye' tö iyë'a̱t ie' a̱ tö ie' batamik ye' e̱r buaë chöraë ká̱ ulitane wakpa a̱. Ye' tö ie' shu̱kit a̱s ie' tö ila'r ena ileripa a̱ ichö̀ tö ye' ttè dalöiö́ ñies tö ì ko̱s buaë yësyësë e' ú̱. Es ì ko̱s yë'yö ie' a̱ e' we̱raëyö. E' kue̱ki̱ ye' ka̱wöta̱ ichökia̱ tö iö́k ye' mí Sodoma.”

Génesis 19:23

Mik ká̱ ñine eta̱ Lot demi Sóar.

Éxodo 9:23

Mik Moisés tö shko kéli kéka̱ siwa̱' ki̱, eta̱ Jehová tö alá bla'wé̱ tai̱ë wöñawé̱itö tai̱ë döttsa̱ íyök ki̱ eta̱ mò wösi se̱se̱ë ákwöie e' patkéitö Egipto ko̱s a̱.

Lucas 10:12

Ye' tö a' a̱ ichè tö mik Skëköl tö a' chakeketke inuí̱ ki̱ aishkuö ta̱, eta̱ ká̱ e' wakpa weirdaë sia̱rë Sodoma wakpa bak se̱nuk suluë e'pa tsa̱ta̱.

2 Pedro 2:6

Ñies ká̱ ia̱ia̱ë ká̱ böt kiè Sodoma ena Gomorra, e' wakpa dör pë' sulusi. E'pa shu̱a̱ wëm se̱rke eköl kiè Lot, e' se̱rke yësyësë. Ie'pa trër tai̱ë, e' ttseke, e' sue̱ke ie' tö ke̱kraë, e' tö ie' dör buaë e' e̱riawe̱ke sia̱rë. Ie'pa nuì̱ ki̱ Skëköl tö ie'pa wöméttsa̱ e̱wè̱wa. Ie' tö ie'pa ena ie'pa ká̱ e' ko̱s ña'wé̱wa se̱raa̱ imulu̱chka ë̀ a̱te̱. Erë Lot, e' ë̀ tsa̱tkéttsa̱itö. Ie' tö ie'pa e̱wé̱wa es iwà kkachoie sulitane a̱ tö es itköraë pë' sulusipa ko̱s esepa ta̱.

Judas 1:7

Es ñies a' é̱na ia̱nú tö Sodoma ena Gomorra wakpa, ñies ká̱ tso' tsi̱net ie'pa o̱'mik e' wakpa, e'pa bak trënuk tai̱ë ena e̱' ya'u̱k suluë. E' kue̱ki̱ Skëköl tö ie'pa ko̱s we'ik michoë bö' wa. Ie'pa wa ie' tö ikkaché tö ì tköraë ì sulu wamblökwakpa ta̱'.

Apocalipsis 14:10

esepa we'ikeraë Skëköl tö. Ie' kësik tai̱ë e' a̱rdaë se̱raa̱ ie'pa ki̱. E' dör we̱s ie' tö ie'pa ké ì bacha'bachaë e' yökwa se̱raa̱ es. Ie' tö ie'pa we'ikeraë tai̱ë ke̱kraë bö' wöñarke azufre ta̱ e' wa ibiyöchökwakpa batse'r e'pa wörki̱ ena Obeja Pupula wörki̱.