Génesis 18:32 - Tte Pa̱'a̱li̱ Me' Skëköl tö Se' a̱

³² Abraham tö ikí̱ chaké ta̱ ichéitö ia̱: —Kë̀ be' ulunuk ye' ki̱. I' ë̀ chakekeyö be' a̱. S'se̱r moki̱ë esepa tso' döka̱ dabom eyök (10) ë̀, e' ta̱ ¿we̱s bö iwè̱mi? ¿ká̱ e' wakpa e̱wè̱wamibö? Jehová tö iiu̱té: —Dabom eyök ë̀ dalërmik kë̀ ye' tö ká̱ e' wakpa e̱we̱pawa.

Génesis 18:32 ပူးပေါင်းရင်းမြစ်များ

Génesis 18:30

Eta̱ Abraham tö ikí̱ ché ia̱: —Tai̱ë be' tsiriwé̱yö, e' kue̱ki̱ kë̀ be' ulunuk ye' ki̱. Dö' s'se̱r yësyësë tso'ia̱ dabom mañayök (30) ë̀. Jehová tö iiu̱téne: —Au, dabom mañayök (30), e'pa dalërmik kë̀ yö ie̱we̱pawa.

Génesis 18:31

Abraham tö ikí̱ chaké ë̀me: —A ye' Këköl, tai̱ë yö be' dalöse̱wé̱wa̱ be' chakök i' es, erë ká̱ ki̱ s'se̱r moki̱ë tso' dabom böyök (20) ë̀, e' ta̱ e'pa kue̱ki̱, ¿ká̱ e' wakpa e̱wè̱wamibö? Jehová tö iiu̱té: —Au, ie'pa dabom böyök (20), e' ë̀ dalërmik kë̀ ye' tö ká̱ e' wakpa e̱we̱pawa.

Génesis 44:18

Eta̱ Judá debitu̱ José wörki̱ tsi̱net, eta̱ ichéitö ia̱: —A këkëpa, be' we'ikèyö, mishka ttök se' böl ë̀. Be' dalö̀ dör we̱s Egipto blú dalö̀ es e' kue̱ki̱ kë̀ be' ulunuk ye' ki̱.

Mateo 7:7

“Wé̱pa tö íyi kieke Skëköl a̱, esepa a̱ imeraë ie' tö; wé̱pa tö íyi yuleke ie' ska' esepa tö ikue̱raë; wé̱pa tö ie' chakeke, esepa kierawa̱ ie' tö we̱shke̱. E' kue̱ki̱ ì kiane a' ki̱ e' kiö́ ie' a̱, eta̱ ie' tö a' a̱ imeraë; e' yulö́ ie' ska', eta̱ a' tö ikue̱raë; ie' chakö́, eta̱ ie' tö a' kierawa̱ we̱shke̱.

Efesios 3:20

Skëköl diché ta̱' tai̱ë, e' tso' iwakanéu̱k se' e̱r a̱. Ie' tö ì buaë wè̱mi se' a̱, ì ko̱s kiekesö ena ì ko̱s bikeitsekesö e' tsa̱ta̱, e' kue̱ki̱ ie' ki̱köka̱sö.