Génesis 16:12 - Tte Pa̱'a̱li̱ Me' Skëköl tö Se' a̱

¹² Be' alà döraë we̱s burro pupula kë̀ urutërta̱' es. Ie' ñippöraë darërë sulitane ta̱. Ñies sulitane ñippöraë ie' ta̱.” Ie' se̱rdaë ke̱kraë ñippök iëlpa ta̱.

Génesis 16:12 ပူးပေါင်းရင်းမြစ်များ

Génesis 21:20

Skëköl tö Ismael kkö'né buaë. Ie' talane se̱né ká̱ wé̱ ki̱ kë̀ yi ku̱' kiè Parán ee̱. Ie' de sulëname buaë.

Génesis 25:18

Ie' aleripa mía̱ se̱nuk Havilá ena Sur e' shu̱sha̱. Ká̱ e' a̱te̱ Egipto wösha̱ë Asiria ñalé̱ kke̱. Ie'pa se̱rke ee̱ bánet Abraham aleripa male̱pa yöki̱.

Génesis 27:40

Be' ñippöraë tabè wa o̱'ka ta̱ iíyi kue̱ki̱, e' mik be' se̱rdaë. Be' döraë be' ël kanè mésoie. Erë mik be' ñippémi ie' ta̱, eta̱ be' e̱' yörattsa̱ ie' ulà a̱.”

Génesis 37:25

E'ukuöki̱ ta̱ ie'pa e̱' tuléwa̱ chkök, e' shu̱a̱ ie'pa isué̱ tö tai̱ë Ismael aleripa datse̱. E'pa datse̱ Galaad michoë Egipto dalì dami iwa̱ e' watau̱k. Kameio ki̱ ie'pa wa̱ kiö̀ alar buaë e' dami. Ñies kiö̀ masmas kiè bálsamo ena mirra e' dami iwa̱.