Éxodo 9:14 - Tte Pa̱'a̱li̱ Me' Skëköl tö Se' a̱

¹⁴ Kë̀ be' wa̱ ye' ttö̀ iu̱tëne i' ta̱, e' ta̱ ye' tö íyi sulusi ko̱s patkeraë be' ki̱ ena be' kue̱blupa ki̱ ena a' wakpa ko̱s e' ki̱. Es be' wa̱ ijche̱rdaë tö kë̀ yi ku̱' ye' tsa̱ta̱ ká̱ wa'ñe.

Éxodo 9:14 ပူးပေါင်းရင်းမြစ်များ

Éxodo 15:11

A Jehová, ¡Wé̱pa skà kiekerakitö “skëköl”, esepa ko̱s tsa̱ta̱ be' dör! ¡Kë̀ yi dör batse'r tai̱ë we̱s be' es! ¡Kë̀ yi diché ta̱' tai̱ë we̱s be' es! ¡Ì kë̀ o̱r yi a̱ ese wè̱ be' tö buaë, e' tö sulitane tkiwè̱wa̱! ¡Sulitane ka̱wöta̱ be' ki̱kökka̱!

Éxodo 8:10

Egipto blú iiu̱té: —Ikiö́ Jehová a̱ bule. Eta̱ Moisés tö iché ie' a̱: —E' wà tköraë we̱s be' ki̱ ikiane es a̱s be' wa̱ ijche̱r tö kë̀ yi dör we̱s sa' Këköl Jehová es.

Éxodo 8:6

Aarón tö ishko kéli kéka̱ Egipto di' ko̱s tsa̱ka̱. Eta̱ Egipto ká̱ wa'ñe bukuë' alöneka̱ tai̱ë.

Éxodo 9:15

Ye' mú ki̱ ikiane, e̱'ma ye' tö íyi sulusi me'ka̱bak be' ki̱ ena be' yamipa ulitane ki̱ a' e̱u̱kwa ká̱ i' ki̱.

Apocalipsis 18:8

Ie'pa e̱' bikeitsö̀ es, e' kue̱ki̱ ì suluë döraë ie'pa ki̱ bet. Ie'pa teraë bli tö, ie'pa weirdaë sia̱rë, ie'pa duöralur, ie'pa ñardawa bö' a̱. Skëköl diché ta̱' tai̱ë íyi ulitane tsa̱ta̱, e' wa ie' tö ie'pa wöme'ttsa̱bak weinuk.”

Apocalipsis 22:18

Ì tköraë e' tso' kitule yëkkuö i' ki̱, wé̱pa tö ittsé, esepa a̱ ye' tö ichè i' es: Yi tö ttè i' kí̱ kuötkéka̱, e' ta̱ esepa we'ikeraë sia̱rë Skëköl tö ì sulu ko̱s tso' kitule yëkkuö i' ki̱ ese wa.