Éxodo 8:32 - Tte Pa̱'a̱li̱ Me' Skëköl tö Se' a̱

³² Erë Egipto blú e̱r skà té̱wa̱ne darërëë. Kë̀ ie' wa̱ Israel aleripa anemi.

Éxodo 8:32 ပူးပေါင်းရင်းမြစ်များ

Éxodo 4:21

Jehová tö ie' a̱ iché: —Mik be' demi Egipto, eta̱ ye' tö diché me'bak be' a̱ ì kë̀ o̱r yi a̱ ese wo̱ie, e' wakaneú̱ kröröë Egipto blú wörki̱. Erë ye' tö ie' a̱ e̱r suluë meraë a̱s kë̀ ie' tö Israel aleripa ö̀mine.

Éxodo 8:15

Erë mik Egipto blú tö isué̱ tö ie' tsa̱tkëne bukuë' ulà a̱, eta̱ ie̱r té̱wa̱ne darërëë we̱s Jehová tö iyë' es. Kë̀ ie' wa̱ Moisés ena Aarón ttö̀ iu̱tëne.

Éxodo 8:31

Eta̱ Jehová tö iwé̱ we̱s Moisés tö ikié ie' a̱ es. Es ö́ po'wé̱miitö Egipto blú yöki̱ ena ikue̱blupa yöki̱ ena iká̱ wakpa ko̱s e'pa yöki̱. Kë̀ ö́ a̱te̱ia̱ etkla wë'ia̱.

Éxodo 8:8

E' ukuöki̱ ta̱ Egipto blú tö Moisés ena Aarón e'pa tsu̱k patké ta̱ ichéitö ie'pa a̱: —A' tö ikiö́ Jehová a̱ tö bukuë' yö́lur ye' ki̱ ena ye' ká̱ wakpa ko̱s ki̱ ñies. E' yéluritö eta̱ ye' tö a' yamipa émimi a̱s imi' iyiwak ña'u̱k Jehová dalöioie.

Éxodo 9:7

Egipto blú tö Israel aleripa icha sa̱u̱k patké eta̱ ie' isué̱ tö moki̱ Israel aleripa icha kë̀ du'wa̱ etö wë'ia̱. Erë ie' e̱r ki̱téwa̱ darërëë. Kë̀ ie' wa̱ Israel aleripa a̱ ka̱wö mène a̱s imi'rak.

Romanos 2:5

Erë a' e̱r darërëë. A' kë̀ é̱na e̱r mane'wa̱k ie' a̱, e' nuí̱ ki̱ a' tso' Skëköl kësik e' kí̱ kiök e̱' ki̱. Mik ie' s'shu̱leraë e' ké̱wö de eta̱ ie' tö s'shu̱leraë yësyësë.