Éxodo 8:28 - Tte Pa̱'a̱li̱ Me' Skëköl tö Se' a̱

²⁸ Egipto blú tö iché: —A' kë̀ mìne ka̱mië shu̱te̱, e' ta̱ ye' tö a' èmimirak wé̱ kë̀ yi se̱rku̱' ese ska', iyiwak ña'u̱k a' Këköl Jehová e' a̱. A' Këköl Jehová a̱ ikiö́ ye' ki̱.

Éxodo 8:28 ပူးပေါင်းရင်းမြစ်များ

Éxodo 10:17

Ye' kköchö̀ a' a̱ i̱'ñe ë̀ tö a' tö e' olo'yö́ ye' ki̱. Ikiö́ a' Këköl dör Jehová e' a̱ ye' ki̱ tö ditski ë̀ trë'ú̱lur ye' ki̱ a̱s kë̀ sa' duö̀lur.

Éxodo 3:19

Erë ye' wa̱ ijche̱r buaë tö ie' kë̀ tö ie'pa a̱ ka̱wö e' mepa ëanas. Ye' ka̱wöta̱ ie'pa yöktsa̱ ye' diché tai̱ë e' wa.

Éxodo 7:13

Erë Egipto blú e̱r téwa̱ darërëë we̱s Jehová tö iyë' es. Ie' kë̀ wa̱ ie'pa ttö̀ iu̱tëne yës.

Éxodo 8:15

Erë mik Egipto blú tö isué̱ tö ie' tsa̱tkëne bukuë' ulà a̱, eta̱ ie̱r té̱wa̱ne darërëë we̱s Jehová tö iyë' es. Kë̀ ie' wa̱ Moisés ena Aarón ttö̀ iu̱tëne.

Éxodo 8:29

Moisés tö iiu̱té: —Mik ye' e̱' yéttsa̱ í̱e̱, eta̱ ye' mía̱ Jehová a̱ ikiök be' ki̱ a̱s ö́ pormi be' yöki̱ ena be' kue̱blupa yöki̱ ena be' ká̱ wakpa ko̱s e'pa yöki̱. Erë kë̀ be' tö sa' ki̱tö'u̱kia̱. Kë̀ be' tö Israel aleripa wöklö'u̱k a̱s imi' iyiwak ña'u̱k Jehová a̱.

Éxodo 8:8

E' ukuöki̱ ta̱ Egipto blú tö Moisés ena Aarón e'pa tsu̱k patké ta̱ ichéitö ie'pa a̱: —A' tö ikiö́ Jehová a̱ tö bukuë' yö́lur ye' ki̱ ena ye' ká̱ wakpa ko̱s ki̱ ñies. E' yéluritö eta̱ ye' tö a' yamipa émimi a̱s imi' iyiwak ña'u̱k Jehová dalöioie.

Éxodo 9:28

Tai̱ë alá blarke ñies mò wösi darke tai̱ë e' kë̀ dalë'ttsëneia̱ sa' a̱. Jehová a̱ ikiö́ tö iwöklö'ú̱ne, e' ta̱ ye' tö a' ekemi. Kë̀ yö a' wöklö'wè̱ia̱.

Hechos 8:24

Simón tö iiu̱té: —Skëköl a̱ ikiö́ a̱s ì ko̱s ché a' tö e' kë̀ tkö̀ ye' ta̱.