Éxodo 8:15 - Tte Pa̱'a̱li̱ Me' Skëköl tö Se' a̱

¹⁵ Erë mik Egipto blú tö isué̱ tö ie' tsa̱tkëne bukuë' ulà a̱, eta̱ ie̱r té̱wa̱ne darërëë we̱s Jehová tö iyë' es. Kë̀ ie' wa̱ Moisés ena Aarón ttö̀ iu̱tëne.

Éxodo 8:15 ပူးပေါင်းရင်းမြစ်များ

Éxodo 14:5

E' dalewa Egipto blú wöki̱ ibiyö̀ demi tö Israel aleripa tkayal. Ie' ena ikue̱blupa e̱rbikéne kua̱'ki̱ ta̱ ichérakitö ñì a̱: “¿We̱s se' tö ì wamblé i' es? ¿Ìie se' tö Israel aleripa émi ta̱ yi kaneblömiia̱ se' a̱?”

Éxodo 4:21

Jehová tö ie' a̱ iché: —Mik be' demi Egipto, eta̱ ye' tö diché me'bak be' a̱ ì kë̀ o̱r yi a̱ ese wo̱ie, e' wakaneú̱ kröröë Egipto blú wörki̱. Erë ye' tö ie' a̱ e̱r suluë meraë a̱s kë̀ ie' tö Israel aleripa ö̀mine.

Éxodo 7:4

Egipto blú kë̀ tö a' ttö̀ iu̱tepa. Erë ye' tö egiptowak we'ikeraë sia̱rë ye' diché tai̱ë e' wa. Es ye' tö Israel aleripa yeralur. Ie'pa dör ye' a̱ we̱s ñippökwakpa tso' tai̱ë es. Ie'pa dör ye' icha.

Éxodo 8:14

Egiptowak tö bukuë' nu ko̱s shté dapa'wé̱ tai̱ë. E' nu alabuneka̱ suluë ká̱ e' ko̱s a̱.

Éxodo 8:16

E' ukuöki̱ ta̱ Jehová tö iché Moisés a̱: —Ichö́ Aarón a̱ tö ie' shko kéli kö́ka̱ siwa̱' ki̱ e' wa íyök po ppö́ a̱s imi'a̱ mulu̱'shwakie Egipto wa'ñe.

Éxodo 8:28

Egipto blú tö iché: —A' kë̀ mìne ka̱mië shu̱te̱, e' ta̱ ye' tö a' èmimirak wé̱ kë̀ yi se̱rku̱' ese ska', iyiwak ña'u̱k a' Këköl Jehová e' a̱. A' Këköl Jehová a̱ ikiö́ ye' ki̱.

Éxodo 8:29

Moisés tö iiu̱té: —Mik ye' e̱' yéttsa̱ í̱e̱, eta̱ ye' mía̱ Jehová a̱ ikiök be' ki̱ a̱s ö́ pormi be' yöki̱ ena be' kue̱blupa yöki̱ ena be' ká̱ wakpa ko̱s e'pa yöki̱. Erë kë̀ be' tö sa' ki̱tö'u̱kia̱. Kë̀ be' tö Israel aleripa wöklö'u̱k a̱s imi' iyiwak ña'u̱k Jehová a̱.

Éxodo 8:32

Erë Egipto blú e̱r skà té̱wa̱ne darërëë. Kë̀ ie' wa̱ Israel aleripa anemi.

Éxodo 8:8

E' ukuöki̱ ta̱ Egipto blú tö Moisés ena Aarón e'pa tsu̱k patké ta̱ ichéitö ie'pa a̱: —A' tö ikiö́ Jehová a̱ tö bukuë' yö́lur ye' ki̱ ena ye' ká̱ wakpa ko̱s ki̱ ñies. E' yéluritö eta̱ ye' tö a' yamipa émimi a̱s imi' iyiwak ña'u̱k Jehová dalöioie.

Hebreos 3:15

Skëköl yëkkuö tö iché i' es: “Ì cheke Skëköl tö e' ttsé a' tö i̱'ñe ta̱, eta̱ kë̀ a' e̱r darë'u̱kwa̱ iyöki̱ we̱s a' yë́pa bak ká̱ ia̱ia̱ë es. Ie'pa e̱' ka'ka̱ e̱' u̱k kësik kësik Skëköl wöa̱.”

Hebreos 3:8

eta̱ kë̀ a' e̱r darë'u̱kwa̱ iyöki̱ we̱s a' yë́pa bak ká̱ ia̱ia̱ë es. Ie'pa e̱' ka'ka̱ e̱' u̱k kësik kësik Skëköl wöa̱. Ie'pa tö ie' wöñatkë' ká̱ sir poë wé̱ kë̀ yi se̱rku̱' tai̱ë e' ké̱ a̱.

Apocalipsis 16:9

Dìba e' tö sulitane pa shayo'wé̱ttsa̱ tai̱ë. Ì sulu ikkë ko̱s patké Skëköl tö ie'pa ki̱, erë ie'pa kë̀ é̱na ì sulu wambleke ie'pa tö ese olo'yak, ie'pa kë̀ e̱r mane'wa̱k ie' a̱. Ie'pa kë̀ é̱na ie' ki̱kakka̱. E' skéie ie'pa tö ie' ché suluë.