Éxodo 3:18 - Tte Pa̱'a̱li̱ Me' Skëköl tö Se' a̱

¹⁸ Israel aleripa kue̱blupa tö be' ttö̀ ttseraë ta̱ be' yú ie'pa ta̱ Egipto blú ska' ta̱ ttè i' chö́ ie' a̱: ‘Jehová dör hebreowak Këköl, e' dë'bitu̱ sa' wöki̱. E' kue̱ki̱ sa' ö́mi ká̱ mañat shkar ekkë wé̱ kë̀ yi ku̱' ese ska' iyiwak ña'u̱k Jehová dör sa' Këköl e' dalöioie.’ Ttè e' chö́ ie' a̱.

Éxodo 3:18 ပူးပေါင်းရင်းမြစ်များ

Génesis 12:1

Mik Abram bak se̱nuk ká̱ kiè Ur ee̱, eta̱ Jehová tö ie' a̱ iyë': “Be' ká̱ ena be' ditséwöpa ena be' yë́ yamipa, e' múa̱t ta̱ be' yúshka se̱nuk, ká̱ kkachekeyö be' a̱ ee̱.

Génesis 14:13

Eta̱ ñippè shu̱a̱ wëm tkashkar eköl, e' wa̱ ibiyö́ mí Abram a̱. Abram e' dör hebreowak. Ie' se̱rke tsi̱net wëm kiè Mamré dör amorreowak e' kós klö̀ wökir àr ee̱. Mamré dör Escol ena Aner ël. Ie'pa wa Abram wër buaë.

Génesis 15:1

E' ukuöki̱ ta̱ Jehová tté Abram ta̱ kabsue̱ie, eta̱ ichéitö ia̱: —A Abram, kë̀ be' suanuk. Ye' dör be' tsa̱tkökwak. Íyi buaë merayö be' a̱ tai̱ë shu̱te̱.

Génesis 17:1

Mik Abram ki̱ duas tso' dabom su̱li̱yök kí̱ su̱li̱tu (99), eta̱ Jehová e̱' kkaché ie' a̱ ta̱ iché ia̱: —Ye' dör Skëköl Diché Ta̱' Íyi Ulitane Tsa̱ta̱ e'. Be' se̱nú yësyësë ye' wörki̱ ke̱kraë,

Génesis 48:3

Eta̱ ie' tö iché José a̱: —Skëköl Diché Ta̱' Íyi Ulitane Tsa̱ta̱ e' e̱' kkayë' ye' a̱ ká̱ kiè Luz a̱te̱ Canaán ee̱. Ee̱ ie' e̱r buaë yë' ye' a̱

Éxodo 10:3

Eta̱ Moisés ena Aarón míyal Egipto blú ska' eta̱ ichéitö ia̱: —Jehová dör hebreowak Këköl, e' tö ichè i' es: “¿Mik be' tö ye' ttö̀ dalöse̱we̱mirö? Ye' ichapa ö́mi a̱s imi' ye' ki̱kökka̱.

Éxodo 17:5

Jehová tö iiu̱té: —Be' yú ie'pa wëttsë ke̱weie. A' kue̱blupa we̱lepa tsú̱miñak. Be' shko kéli wa be' tö di' kiè Nilo e' buk, e' tsú̱mi.

Éxodo 19:1

E' ukuöki̱ ta̱ Israel aleripa e̱' yélur Refidim a̱ demirak Sinaí. Ie'pa e̱' yë'lur Egipto, e' ki̱ si' de böt kí̱ ká̱ et. Sinaí dör ká̱ sir poë. Ee̱ ie'pa e̱' tsé̱a̱t Sinaí ké̱bata o̱'mik tsi̱net.

Éxodo 3:12

Ie' tö iiu̱té: —Be' kë̀ mi'pa ekörla. Ye' tso' be' ta̱ be' ki̱muk. Mik be' tö Israel aleripa yélur Egipto a̱, eta̱ a' tö ye' dalöieraë ka̱bata i' ki̱. E' wa be' wa̱ ijche̱rdaë tö ye' wák tö be' patkë'.

Éxodo 3:16

Be' yú Israel aleripa kue̱blupa dapa'u̱k ta̱ ttè i' ichö́ ie'pa a̱: ‘Jehová, dör se' yë́pa bak ká̱ ia̱ia̱ë kiè Abraham, Isaac ena Jacob e'pa Këköl e' e̱' kkayë' ye' a̱ ta̱ ye' a̱ iyë'itö tö ie' tö a' weirke sia̱rë egiptowak ulà a̱ e' sué̱.

Éxodo 4:1

Erë Moisés tö iiu̱té: —Ie'pa kë̀ tö ye' ttö̀ klö'we̱pa. Kë̀ itö ye' ttö̀ iu̱tepa. Ie'pa tö ye' a̱ icheraë: “Jehová kë̀ dë'bitu̱ be' ska'.”

Éxodo 4:23

Ye' tö be' a̱ ichétke tö ie'pa ö́mine a̱s imi'yalne ye' ki̱kökka̱. Erë be' kë̀ wa̱ ie'pa a̱ ka̱wö mène a̱s imi'yal. E' kue̱ki̱ be' alà wëm tsá̱ e' tterawa̱yö.’ Ttè e' chö́ ie' a̱.

Éxodo 4:24

Moisés ena iyamipa minia̱ ñala̱ ki̱ eta̱ wé̱ ie'pa kapökerö ñala̱ ki̱, ee̱ Jehová debitu̱ Moisés ska' ittökwa̱.

Éxodo 4:31

Israel aleripa tö Aarón ttè klö'wé̱. Mik ie'pa é̱na ia̱ne tö Jehová é̱na ie'pa dalërke, ñies tö ie'pa weirke sia̱rë e' sué̱itö, eta̱ ie'pa e̱' wöéwa i̱ski̱ ie' dalöiök.

Éxodo 5:1

E' ukuöki̱ ta̱ Moisés ena Aarón míyal Egipto blú ska' ta̱ ichéitö ia̱: —Jehová dör Israel aleripa e' Këköl, e' tö iché be' a̱ tö e'pa dör ie' icha. Ie'pa ö́mi a̱s imi'yal wé̱ kë̀ yi se̱rku̱' ee̱ ka̱wö tkö'u̱k ie' dalöioie.

Éxodo 5:3

Eta̱ ie'pa tö iché: —Hebreowak Këköl e' dë'bitu̱ sa' wöki̱. E' kue̱ki̱ sa' ö́mi ká̱ mañat shkar ekkë wé̱ kë̀ yi ku̱' ese ska' iyiwak ña'u̱k sa' Këköl Jehová e' a̱ idalöioie dö' ie' tö sa' wömèttsa̱ duökwa̱ duè a̱ ö tabè a̱.

Éxodo 7:16

Ie' a̱ ichö́: ‘Jehová dör hebreowak Këköl, e' tö ye' patké ichö́k be' a̱ tö ie' ala'r ö́mine a̱s imi'rak ie' ki̱kökka̱ ká̱ wé̱ ki̱ kë̀ yi se̱rku̱' ee̱. Ikkë ta̱ ka̱m bö ie' ttö̀ iu̱tö̀ yës.’

Éxodo 8:1

eta̱ ie' tö iché Moisés a̱: —Be' yú Egipto blú ska' ta̱ ichö́ ia̱: ‘Jehová tö ye' patké ichök be' a̱ i' es: Ye' ichapa ö́mine a̱s imi' ye' dalöiök.

Éxodo 8:20

E' ukuöki̱ ta̱, Jehová tö iché Moisés a̱: —Bule bla'mi Egipto blú mi'ke di'kka, e' kue̱ki̱ be' e̱' kö́ka̱ bla'mi ta̱ be' yú ñì ku̱kwa̱ ita̱. Ichö́ ie' a̱: ‘Jehová tö ye' patké ichök be' a̱ i' es: Ye' ichapa ö́mine a̱s imi' ye' ki̱kökka̱.

Éxodo 8:23

Be' ká̱ wakpa e'pa ë̀ we'ikeraë ie' tö. Erë ye' ichapa kë̀ we'ikepayö. E' wà tköraë bule.’

Éxodo 9:1

E' ukuöki̱ ta̱ Jehová tö iché Moisés a̱: —Be' yú ttök Egipto blú ta̱, ta̱ ichö́ ia̱: ‘Jehová dör hebreowak Këköl, e' tö ichè i' es: Ye' ichapa ö́mine a̱s imi' ye' ki̱kökka̱.

Éxodo 9:13

E' ukuöki̱ ta̱ Jehová tö iché Moisés a̱: —Be' e̱' kö́ka̱ bule bla'mi eta̱ be' yú Egipto blú a̱ ichök: ‘Jehová dör hebreowak Këköl, e' tö ichè be' a̱ i' es: Ye' ichapa ö́mi a̱s imi'rak ye' ki̱kökka̱.