14 E' ko̱s sué̱ Moisés nua̱ki tö ta̱ ichéitö Moisés a̱: —¿Ì wamblök be' tso' ie'pa ta̱? Be' ë̀ e̱' tkése̱r ie'pa shu̱lök ta̱ ie'pa iëte̱r ñië be' panuk.
Bule es ta̱ Moisés e̱' tkése̱r ikula' ki̱ Israel aleripa shu̱lök. Ie'pa e̱' dapa'wé̱ iëte̱r ie' wörki̱ ñië bla'mi dö̀ tsá̱li̱ a̱s Moisés tö ishu̱lörak.
Moisés tö iiu̱té: —E̱'ma ie'pa wák de ye' ska' ittsök tö i̱ma Skëköl tö ichè.
Ie'pa tö Israel aleripa ttè shu̱leke ke̱kraë. Ttè wé̱ darërëë, ese mí ie'pa wa̱ Moisés a̱ shu̱lè. Eta̱ ttè wé̱ tottola, ese shu̱leke ie'pa tö.