Éxodo 16:15 - Tte Pa̱'a̱li̱ Me' Skëköl tö Se' a̱

¹⁵ E' kë̀ su̱ule Israel aleripa wa̱. E' kue̱ki̱ mik ie'pa tö isué̱, eta̱ ie'pa tö iché ñì a̱: “¿Diö́ dör ì?” Eta̱ Moisés tö iché ia̱rak: —E' dör pan mé Jehová tö a' a̱ ñè.

Éxodo 16:15 ပူးပေါင်းရင်းမြစ်များ

Éxodo 16:31

Israel aleripa tö chkè shteke e' kiè méka̱ maná Iwà chkà dör saruruë we̱s suiyök es. E' dör blo'bloë we̱s pan yöule bul alí wa es.

Éxodo 16:33

Eta̱ Moisés tö iché Aarón a̱: —Tka̱' klö'ú̱ et, e' a̱ maná iö́ ská̱tke̱ böt ekkë. E' blö́ Jehová wörki̱ a̱s a' aleripa tö isa̱ù̱.

Éxodo 16:4

Jehová tö iché Moisés a̱: —Sú̱yö pan da'wè̱ siwa̱' ki̱ a' a̱. E' shtö́ ká̱ bit ekkë. Erë ishtö́ ko̱s iñar ká̱ etkë̀ ekkë ë̀. Ye' ki̱ ikiane suè̱ tö wé̱pa tö ye' ttö̀ iu̱tèmi ena wé̱pa kë̀ tö ye' ttö̀ iu̱tepa.

Lucas 12:30

Pë' kë̀ tö Skëköl dalöiè esepa tkirke tai̱ë íyi ko̱s ekkë ki̱. Erë ì ko̱s kiane a' ki̱ e' jche̱rtke a' Yë́ wa̱.

Juan 6:49

A' yë́pa bak ká̱ ia̱ia̱ë, e'pa tö chkè kiè maná e' ña' ká̱ wé̱ kë̀ yi se̱rku̱' ese ska', erë ie'pa durulune.

Juan 6:58

Chkè dë'bitu̱ ká̱ jaì a̱, e' chök ye' tso' a' a̱. Chkè e' kë̀ dör we̱s chkè kiè maná ña' a' yë́pa bak ká̱ ia̱ia̱ë e'pa tö e' es. Ie'pa tö iña' erë ie'pa durulune. Erë wé̱pa tö chkè cheke ye' tö a' a̱ e' ñé, esepa se̱r michoë.

1 Corintios 10:3

Es ñies chkè mé Skëköl wák tö ie'pa a̱, e' ë̀ ñé ie'pa ulitane tö.

Hebreos 9:4

Úshu̱ e' a̱ ka̱' tso' yöule orochka wa íyi masmas ña'wo̱ie Skëköl a̱ e'. Ñies kalkuö tkër ek, e' paiëulewa̱ orochka wa. Kalkuö e' shu̱a̱ tka̱' tso' etk yöule orochka wa. Tka̱' e' a̱ chkè me' Skëköl tö Israel aleripa a̱ kiè maná, e' kak tso' blëule. Ñies kalkuö ñe' shu̱a̱ Aarón shko kéli përi tskineka̱, e' tso' blëule. Ñies ishu̱a̱ ák tak tso' böt, e' ki̱ Skëköl tö ittè dalöiëno kit. Kalkuö e' kiè Ttè Mène Ñì A̱ Kélkuö.

Apocalipsis 2:17

¡Ì cheke Skëköl Wiköl tö ye' icha eruleë e'pa a̱, e' ttsö́ a' ulitane tö! Wé̱pa e̱' aléka̱ ì sulu ki̱, kë̀ wa̱ ye' tté olo'yaule, esepa ko̱s tieraëyö chkè tso' blëulewa̱ kiè maná ese wa. Ñies ákwöla sarurula meraëyö ie'pa a̱ eköl eköl, e' ki̱ kiè pa̱'a̱li̱ tso' kitule. Kiè e' kë̀ jche̱r yi wa̱. Yi a̱ imène, ese ë̀ wa̱ ijche̱rdaë.’ ”