Éxodo 15:3 - Tte Pa̱'a̱li̱ Me' Skëköl tö Se' a̱

³ Ie' dör ñippökwak darërëë bua'ie. Jehová e' dör ie' kiè.

Éxodo 15:3 ပူးပေါင်းရင်းမြစ်များ

Éxodo 14:14

Kë̀ se' tkinuk ì ki̱. Jehová ñippöraë se' skéie.

Éxodo 14:25

Ñies ie' tö ie'pa karreta wöshki ko̱s e' wötélur dö́ a̱ a̱s kë̀ ishkö̀ bet. Ie'pa tö iché ñì a̱: —Mishka Israel aleripa yöki̱. Jehová tso' ñippök se' ta̱ ie'pa tsa̱tkoie.

Éxodo 3:13

Erë Moisés tö ie' iu̱té: —Dö' ye' mía̱ ta̱ ye' tö ichè ie'pa a̱: “A' yë́pa bak ia̱ia̱ë e' Këköl tö ye' patkë' a' tsa̱tkök.” Dö' ie'pa tö ye' a̱ ichakè: “¿I̱ma e' kiè?”, e' ta̱ ¿ì chèmi ye' tö ie'pa a̱?

Éxodo 3:14

Eta̱ ie' tö iiu̱té: —Ye' dör yi tso'tke e'. Ichö́ ie'pa a̱ tö Ye' Tso'tke e' tö ye' patké a' ska'.

Éxodo 3:15

Skëköl tö ikí̱ ché Moisés a̱: —Ñies ttè i' chö́ Israel aleripa a̱: ‘Se' yë́pa bak ká̱ ia̱ia̱ë kiè Abraham, Isaac ena Jacob, e'pa Këköl kiè Jehová e' tö ye' patké a' tsa̱tkök.’ Ttè e' chö́ ie'pa a̱. Ye' kiè dör Jehová i' dör ye' wák kiè ke̱kraë. Kiè i' wa ye' kirdaë aishkuö ta̱ ke̱kraë.