Éxodo 15:13 - Tte Pa̱'a̱li̱ Me' Skëköl tö Se' a̱

¹³ Be' tö sa' tsa̱tkée. Be' é̱na sa' dalër tai̱ë, e' kue̱ki̱ be' tso' sa' wëttsu̱k. Be' wa̱ sa' mi'ke be' diché wa dö̀ wé̱ be' wák se̱rke ee̱.

Éxodo 15:13 ပူးပေါင်းရင်းမြစ်များ

Génesis 19:16

Erë ie' e̱' u̱keia̱ e̱naë. Erë Jehová e̱r buaë ché ie' a̱, e' kue̱ki̱ Skëköl biyöchökwakpa tö iklö'wé̱wa̱ iulà a̱ yèttsa̱. E' sù̱ ñies ilaköl ena ilà busipa yélur ie'pa tö Sodoma a̱ itsa̱tkoie.

Éxodo 15:16

A Jehová, ¡a̱s ie'pa tkirwa̱! ¡a̱s ie'pa suar tai̱ë! Be' diché wa a̱s ie'pa a̱t kë̀ ti̱ria̱ suane kue̱ki̱ dö̀ mik sa' ulitane dör be' icha e'pa tka eta̱.

Éxodo 15:17

A Jehová, Sa' tse̱ramibö döka̱ be' ka̱bata buaë e' a̱. Ee̱ sa' se̱rdaë buaë ke̱kraë. Ka̱bata e' shu̱kitbö be' a̱ se̱noie. Ee̱ be' wák e̱' wé yué e'dör yöbië.

Éxodo 20:2

“Ye' dör Jehová. Ye' dör a' Këköl. Ye' tö a' yë'lur Egipto wé̱ a' bak weinuk sia̱rë kanè wa ee̱.

Éxodo 6:6

E' kue̱ki̱ be' yú ichök ie'pa a̱ tö ye' dör Jehová. Egiptowak tö a' we'ikeke sia̱rë kanè darërëë wa, e' ko̱s ulà a̱ a' yerattsa̱ ye' tö. Ye' tö egiptowak we'ikeraë sia̱rë ye' diché tai̱ë e' wa. Es a' tsa̱tkeraë ye' tö egiptowak ulà a̱.

Efesios 2:4

Se' bak duulewa̱ se' nuì̱ ki̱, erë Skëköl tö se' suè̱ e̱r sia̱rë wa tai̱ë. Ie' tö se' dalëritsé tai̱ë. E' kue̱ki̱ ie' tö se̱ne michoë mé se' a̱. E' dör we̱s ie' tö se' shke̱'wé̱ka̱ne Cristo ta̱ es. Ie' e̱r buaë ché se' a̱ tai̱ë, e' kue̱ki̱ se' tsa̱tkëne.

1 Pedro 1:5

A' e̱rblöke Jesucristo mik, e' kue̱ki̱ Skëköl tso' a' kkö'nuk ie' diché wa a̱s ie' tö a' tsa̱tkè, e' dö̀ a' ulà a̱. E' tso'tke kkachè sulitane a̱ ká̱ e̱rkewatke eta̱.