Éxodo 14:7 - Tte Pa̱'a̱li̱ Me' Skëköl tö Se' a̱

⁷ Eta̱ imía̱ Israel aleripa itöki̱ karreta ñippoie ibua'bua döka̱ cien teryök (600) ekkë. Egipto karreta ñippoie e' male̱pa ko̱s mírak iwa̱ ñies. Karreta ko̱s e' a̱ ñippökwakpa wökir shköke ek ek.

Éxodo 14:7 ပူးပေါင်းရင်းမြစ်များ

Génesis 50:9

Ñies pë' mí tai̱ë karreta ki̱ ena kabaio ki̱. Es pë' mí tai̱ë José ta̱.

Éxodo 14:23

Eta̱ egiptowak ñippökwakpa mirwa̱ kabaio ki̱ ena karreta ki̱ e'pa ko̱s tö Israel aleripa tötié̱mi dayë a̱.

Éxodo 14:6

E' ukuöki̱ bet ta̱ Egipto blú tö ikarreta tso' ñippoie e' tsu̱k patké ta̱ iñippökwakpa patkéitö ñì dapa'u̱k.

Éxodo 14:8

Jehová tö Egipto blú e̱r darë'wé̱wa̱ a̱s ie' mi' Israel aleripa itöki̱ erë́ ie'pa yënettsa̱ Egipto a̱ Jehová diché tai̱ë wa.

Éxodo 15:4

Egipto blú karreta tso' ñippoie ena ie' ñippökwakpa e'pa ko̱s émi dayë a̱ Jehová tö. Egipto blú ñippökwakpa bua'bua e'pa ko̱s duolur se̱ Dayë Mat a̱.