Éxodo 14:29 - Tte Pa̱'a̱li̱ Me' Skëköl tö Se' a̱

²⁹ Erë Israel aleripa tkami buaë dayë a̱ dö̀ wi̱she̱t ká̱ sí ki̱, dayë wötuki̱ wi̱'kë io̱'kë e' shu̱sha̱.

Éxodo 14:29 ပူးပေါင်းရင်းမြစ်များ

Éxodo 14:22

Ie'pa tkami ká̱ poppo a̱. Es dayë wötuki̱ a̱te̱ wi̱'kë io̱'kë.

Éxodo 15:19

Mik Egipto blú ñippökwakpa tkawa̱ dayë a̱ kabaio ki̱, karreta ki̱, eta̱ Jehová tö dayë wöiéwa̱ne ie'pa ki̱ erë Israel aleripa tka buaë ká̱ poppo a̱.

Éxodo 15:8

Dayë wöikébö darërëë ta̱ iwöklönewa̱ie wi̱'kë io̱'kë mía̱ we̱s ká̱ ukuö es. Dayë wöklönewa̱, kë̀ shköku̱'ia̱.

1 Corintios 10:1

A yamipa, ye' kë̀ ki̱ ikiane tö a' é̱na ichö̀wa tö ì bak se' yamipa bak ká̱ ia̱ia̱ë Moisés ké̱wö ska' e'pa ta̱. Ie'pa ko̱s wëttse̱' Skëköl tö mò àr tai̱ë e' wa. Ñies Skëköl diché wa ie'pa ko̱s baktsa̱ klö̀ wa dayë kiè Dayë Mat, e' shu̱a̱ kë̀ nune'ka̱ dayë wa̱.