Éxodo 14:13 - Tte Pa̱'a̱li̱ Me' Skëköl tö Se' a̱

¹³ Erë Moisés tö iiu̱té: —Kë̀ a' tö egiptowak sue̱paia̱. E' kue̱ki̱ kë̀ a' suanuk. A' e̱' tkö́wa̱ darërëë. I̱'ñe Jehová tö a' tsa̱tkeraë e' sa̱ú̱.

Éxodo 14:13 ပူးပေါင်းရင်းမြစ်များ

Génesis 15:1

E' ukuöki̱ ta̱ Jehová tté Abram ta̱ kabsue̱ie, eta̱ ichéitö ia̱: —A Abram, kë̀ be' suanuk. Ye' dör be' tsa̱tkökwak. Íyi buaë merayö be' a̱ tai̱ë shu̱te̱.

Génesis 26:24

E' nañewe Jehová de ie' ska' ta̱ ichéitö ia̱: “Ye' dör be' yë́ Abraham e' Këköl. Ye' tso' be' ta̱, e' kue̱ki̱ kë̀ be' suanuk. Abraham dör ye' kanè méso e' dalërmik ye' e̱r buaë chöraë be' a̱, ñies be' aleripa alöwe̱raëyö tai̱ë.”

Génesis 46:3

Eta̱ Skëköl iché ia̱: —Ye' dör be' Këköl. Ye' dör be' yë́ Këköl. Kë̀ be' suanuk shkökmi Egipto. Ee̱ ye' tö be' aleripa alöwe̱raë tai̱ë.

Génesis 49:18

“¡A Jehová, ye' tso' be' panuk tö ye' tsa̱tkö́!

Éxodo 14:30

E' ké̱wa Jehová tö Israel aleripa tsa̱tkée egiptowak ulà a̱. Ie'pa tö egiptowak nu sué̱ dayë kkömik.

Éxodo 20:20

Moisés tö iiu̱té: —Kë̀ a' suanuk. Skëköl dettsa̱ a' ma'u̱k isuo̱ie tö moki̱ a' tö ie' dalöieke. Ie' ki̱ ikiane tö a' tö ie' ttö̀ dalöiè a̱s kë̀ a' tö ì sulu wamblö̀.

Mateo 28:5

Eta̱ Skëköl biyöchökwak tö iché alakölpa a̱: —Kë̀ a' suanuk. Ye' wa̱ ijche̱r tö a' tso' Jesús köte̱wa̱ krus mik, e' nu yulök.