Éxodo 12:33 - Tte Pa̱'a̱li̱ Me' Skëköl tö Se' a̱

³³ Eta̱ egiptowak tö iché Israel aleripa a̱: “A' yúshka betbet sa' yöki̱. A' kë̀ mìne e' ta̱ sa' ulitane duöralur.”

Éxodo 12:33 ပူးပေါင်းရင်းမြစ်များ

Génesis 20:3

Erë nañewe ta̱ ie' kapowa̱ e' dalewa, Skëköl tté ie' ta̱ kabsuè̱ a̱ ta̱ iché ia̱: —Alaköl tsu̱k patkébö e' wëm ta̱', e' kue̱ki̱ be' duöwa̱mi.

Éxodo 10:7

E' bet ta̱ Egipto blú kue̱blupa tö iché iblú a̱: —¿Mik ta̱ wëm e' kë̀ tö se' we'ikèia̱? A blu', ie'pa ö́mi ie'pa Këköl dör Jehová, e' ki̱kökka̱. A blu', ¿be' kë̀ wa̱ isu̱ne tö se' ká̱ sulunewa̱tke se̱raa̱?

Éxodo 11:1

E' ukuöki̱ ta̱ Jehová tö iché Moisés a̱: —Ye' tö Egipto blú ena egiptowak ulitane e' bata we'ikekeia̱. E' ukuöki̱ ta̱ Egipto blú tö a' erami, e' kí̱ie ie' wák tö a' ulitane u̱yerattsa̱ da'a̱ie iká̱ ki̱.

Éxodo 12:39

Egiptowak tö Israel aleripa ka' e̱' yöktsa̱ bet kë̀ wa̱ ka̱wö menea̱t ie'pa a̱ u̱loie, e' kue̱ki̱ ie'pa wa̱ harinachka mir kë̀ iwölöwo̱ka̱ ta̱'. E' wa ie'pa pan yué ñala̱ ki̱.

Éxodo 6:1

Eta̱ Jehová tö ie' iu̱té: —Kukuie bö isue̱raë tö we̱s ye' tö Egipto blú we'ikeraë. Ye' diché tai̱ë e' wa ye' tö ie' keraë ie'pa ökmi. Ye' diché wa ye' tö ie' keraë ie'pa patkökmi iká̱ ki̱.