Éxodo 11:8 - Tte Pa̱'a̱li̱ Me' Skëköl tö Se' a̱

⁸ Eta̱ Moisés tö ikí̱ ché ia̱: —Be' kue̱blupa ko̱s döraë ye' ska', eta̱ ie'pa e̱' tkörawa̱ kuchë ki̱ ye' wörki̱ ta̱ ikköchörarak ye' a̱: ‘Be' yúshka. Be' yamipa tso' ko̱s be' ta̱ e'pa tsú̱mirak ñies.’ Eta̱ Moisés ulune tai̱ë e̱' yéttsa̱ Egipto blú wörki̱.

Éxodo 11:8 ပူးပေါင်းရင်းမြစ်များ

Éxodo 10:29

Eta̱ Moisés tö iiu̱té: —Buaë bö iché es. Kë̀ ye' dë'ia̱ne be' sa̱u̱k.

Marcos 3:5

Ie' tö ie'pa weblé kësik wa. Ie'pa e̱r darërëë e' tö ie' e̱riawé̱. Ie' iché wëm a̱: —Be' ulà shu̱lö́ö. Ta̱ ie' ulà shu̱lée ta̱ ibuanene.

Hebreos 11:27

Moisés e̱rblë' Skëköl mik, e' kue̱ki̱ ie' e̱' yéttsa̱ Egipto, kë̀ suane Egipto blú ulune yöki̱. Ie' e̱' tkéwa̱ darërë Skëköl kë̀ wërta̱' e' mik kë̀ ilo'yane ie' wa̱.

Apocalipsis 3:9

Ye' ttö̀ ttsö́. A' shu̱a̱ we̱lepa tso', e'pa dör Satanás icha. Ie'pa e̱' chö̀ tö ie'pa dör Skëköl icha, erë ie'pa ka̱chö̀. Ie'pa keraë ye' tö e̱' tulökwa̱ kuchë ki̱ a' wörki̱. Es ie'pa wa̱ ijche̱rdaë tö ye' tö a' dalëritseke.