Éxodo 10:21 - Tte Pa̱'a̱li̱ Me' Skëköl tö Se' a̱

²¹ Eta̱ Jehová tö Moisés a̱ iché: —Be' ulà kö́ka̱ siwa̱' ki̱ a̱s ká̱ ttserwa̱ ttsettseë shu̱te̱ë.

Éxodo 10:21 ပူးပေါင်းရင်းမြစ်များ

Éxodo 7:19

Ñies Jehová tö iché Moisés a̱: —Ichö́ Aarón a̱ tö ie' shko kéli klö'ú̱ ta̱ ikö́ka̱ di' ko̱s tso' ie'pa wa̱ yè ese tsa̱ka̱. Di'la, batsöri, di' wöblë, di' bló tso' ese ko̱s tsa̱ka̱ ie' ulà kö́ka̱ a̱s imi'a̱ pë́ie. ¡Es imia̱raë pë́ wöchka di' bló ulitane yöule kal wa ö ák wa ese a̱!

Éxodo 9:22

Eta̱ Jehová tö Moisés a̱ iché: —Be' ulà kö́ka̱ siwa̱' ki̱ a̱s mò wösi se̱se̱ë ese dar tai̱ë Egipto ko̱s a̱. E' a̱rdaë ie'pa ki̱ ena iiyiwak ki̱ ñies idaliwö tso'rak iwa̱ e' ki̱.

Mateo 27:45

Mik diwö de bata a̱, eta̱ ká̱ mía̱ ttsettseë ká̱ wa'ñe, dö̀ tsá̱li̱ diwö de mañat ekkë.

Marcos 15:33

Mik diwö de bata a̱, eta̱ ká̱ mía̱ ttsettseë ká̱ wa'ñe dö̀ tsá̱li̱ diwö de mañat ekkë.

Lucas 23:44

Mik diwö de bata a̱, eta̱ ká̱ mía̱ ttsettseë ká̱ wa'ñe, dö̀ tsá̱li̱ diwö de mañat ekkë.

2 Pedro 2:17

S'wöbla'u̱kwakpa ka̱che tté wa, e'pa dör we̱s di' tum itö̀ kë̀ a̱ di' ta̱' es. Ie'pa dör we̱s ka̱li̱ morka̱ mochka a̱ u̱yè siwa̱' tö kë̀ wà yërta̱' es. Ie'pa wömeulettsa̱ weinuk michoë stui ké̱ a̱.

2 Pedro 2:4

Ká̱ ia̱ia̱ë Skëköl biyöchökwakpa we̱lepa tö ì sulu wamblë' ie' ki̱, e' nuí̱ kë̀ olo'yane ie' wa̱ ie'pa ki̱. Ie' tö ie'pa batrélor bö' ké̱ a̱, ee̱ ie'pa tso' wötëule moulewa̱ stui a̱ ie'pa kichateraëitö aishkuö ta̱ e' panuk.

Judas 1:13

Ie'pa tö ì sulu wambleke kë̀ jaër ta̱', e' u̱yekerakitö we̱s dayë tö íyi tso' ko̱s ie' a̱ e' u̱yèttsa̱ u'rki̱ es. Ie'pa dör we̱s bëkwö kë̀ ku̱'ar ek tsi̱ní ë̀me es. Skëköl wa̱ ká̱ tso' ie'pa a̱ ttsettseë, ee̱ ie'pa wötërdawa̱ kë̀ yërpattsa̱ia̱.

Judas 1:6

Ñies a' é̱na ia̱nú tö Skëköl biyöchökwakpa, e'pa we̱lepa tö kanè mène ie'pa a̱, e' olo'yé ta̱ ie̱' yélur wé̱ ie'pa bak se̱nuk ee̱. E' kue̱ki̱ ie' wa̱ ie'pa tso' wötëule stui ké̱ a̱. Ee̱ ie'pa tso' moule tabechka kë̀ butsta̱'ttsa̱ yöbië ese wa. Ee̱ ie'pa tso' ikichatërke e' ké̱wö panuk.

Apocalipsis 8:12

E' ukuöki̱ ta̱ Skëköl biyöchökwak skà tö iduk bla'wé̱, i' ta̱ ide tkëtökicha. Eta̱ diwö ena si'wö ena bëkwö, e' ko̱s mú blatèsö mañat tsi̱ní ta̱ e' et tsi̱ní ko̱s ttsenewa̱. E' kue̱ki̱ ñiwe ena nañewe, e' mú blatèsö mañat tsi̱ní ta̱ e' et tsi̱ní ttsenewa̱.