Éxodo 1:17 - Tte Pa̱'a̱li̱ Me' Skëköl tö Se' a̱

¹⁷ Erë alakölpa e'pa tö Skëköl dalöieta̱'. E' kue̱ki̱ ie'pa kë̀ wa̱ Egipto blú ttö̀ iu̱tëne we̱s itö iché es. Ie'pa ala'r wëpa méa̱t ttsë'ka.

Éxodo 1:17 ပူးပေါင်းရင်းမြစ်များ

Génesis 20:11

Abraham tö iiu̱té: —Ye' tö ibikeitsé tö ká̱ i' ki̱ kë̀ yi tö Skëköl dalöieta̱'. Ye' suane dö' a' ye' ttèwa̱ ye' alaköl yottsa̱ ye' ulà a̱.

Génesis 42:18

Ká̱ de mañat eta̱ ie' tö iché ia̱rak: —Ye' tö Skëköl dalötse̱ta̱'ka̱. Ì cheke ye' tö a' a̱ e' ú̱, e' ta̱ ye' kë̀ tö a' ttökwa̱ patkepa.

Éxodo 1:18

Eta̱ Egipto blú tö ie'pa kiére ta̱ ichéitö ia̱rak: —¿Iö́k a' tö iwamblé es? ¿Iö́k a' tö ala'rla wëpa e' méa̱t ttsë'ka?

Mateo 10:28

Kë̀ a' suanuk yi tö s'tteta̱'wa̱ esepa yöki̱. Ie'pa tö s'chkà ë̀ ttèwa̱mi erë ie'pa kë̀ a̱ s'wiköl duökwa̱. E' skéie Skëköl yöki̱ a' suanú. Ie' tö s'chkà ñies s'wiköl e̱wè̱wami bö' ké̱ a̱.

Lucas 12:5

Erë sú̱yö a' a̱ ichè tö yi yöki̱ a' ké suanuk. A' suanú Skëköl yöki̱. Ie' tö a' ttèwa̱mi, e' ukuöki̱ ta̱ ie' wa̱ diché ta̱' a' u̱yowa̱ bö' ké̱ a̱. Ye' tö iskà chène a' a̱, a' suanú ie' yöki̱.

Hechos 5:29

Erë Pedro ena Jesús ttekölpa tsá̱ male̱pa tö iiu̱térak: —Sa' ka̱wöta̱ Skëköl ttö̀ dalöiök s'ditsö ttö̀ tsa̱ta̱.