Apocalipsis 7:10 - Tte Pa̱'a̱li̱ Me' Skëköl tö Se' a̱

¹⁰ Ie'pa tö iché a̱neule: “¡S'tsa̱tkè e' datse̱ Skëköl tkër kula' ki̱ ena Obeja Pupula e'pa wa̱!”

Apocalipsis 7:10 ပူးပေါင်းရင်းမြစ်များ

Jonás 2:9

Erë ye' tö wëstela cheraë be' a̱ ke̱kraë, iyiwak jcheraë ña'we̱raëyö be' a̱ be' dalöioie. Ye' ttè mé be' a̱, e' wawe̱raëyö. ¡A Jehová, be' ë̀ a̱ sa' tsa̱tkërmi!”

Lucas 3:6

Skëköl tö s'tsa̱tkè, e' sue̱raë sulitane tö.’ ” Es Isaías iyë'.

Juan 1:29

Bule es ta̱ Juan tö Jesús sué̱ tö idatse̱ ie' ska' ta̱ ichéitö: “Isa̱ú̱. Wì̱ idatse̱ e' dör Skëköl obeja pupula patkébitu̱ jchè ì sulu wambleke sulitane tö e' nuí̱ olo'yoie e'.

Juan 1:36

Mik Juan tö isué̱ tö Jesús damia̱ e' wa, eta̱ ie' tö iché ie'pa a̱: —¡Wëm wì̱ dör Skëköl obeja pupula patkébitu̱ jchè se' skéie e'!

Juan 4:22

A' tö Skëköl dalöieke, erë e' kë̀ jche̱r a' wa̱ buaë. Erë s'tsa̱tkër tté e' datse̱ sa' dör judiowak ditséwö wa, e' kue̱ki̱ sa' wa̱ ie' jche̱r buaë.

Efesios 2:8

Skëköl e̱r buaë ché a' a̱, e' batamik a' tsa̱tkëne, a' e̱rblöke Jesucristo mik e' kue̱ki̱. E' kë̀ dör ì buaë wé̱ a' tö ie' wörki̱ ese skéie. Ie' tö a' a̱ imé ë́me we̱s íyi kakmè es. Ie' tö iwé̱ es a̱s kë̀ yi e̱' ttsö̀ka̱ tö ie̱' tsa̱tkée ì buaë wé̱itö ese batamik.

Apocalipsis 12:10

E' ukuöki̱ ta̱ ttö̀ darërëë ttséyö ká̱ jaì a̱ tö iché: “Bata ekkë ta̱ Skëköl tö se' tsa̱tkée, ie' e̱' tkéka̱tke ì ulitane blúie diché ta̱' tai̱ë. Wé̱ pairi'bitu̱ ie' tö idi' wa s'blúie e' detke ká̱ ulitane wakpa wökirie. Satanás bak s'yamipa kkatök ñië nañeë Skëköl a̱, erë bata ekkë ta̱ ie' u̱yéttsa̱itö.

Apocalipsis 19:1

E' ukuöki̱ ta̱ ye' tö ittsé tö ká̱ jaì a̱ pë' daparke tai̱ë, e'pa tté darërë ta̱ ichérakitö a̱neule: “Skëköl tö s'shu̱lè yësyësë ttè moki̱ wa, e' kue̱ki̱ ¡iki̱köka̱sö! Ie' dör S'tsa̱tkökwak. Ie' olo ta̱' tai̱ë, ie' diché ta̱' tai̱ë íyi ulitane tsa̱ta̱.

Apocalipsis 21:5

Eta̱ Skëköl tkër ikula' ki̱, e' tö iché: “Ye' tso' íyi ko̱s yuökne pa̱'a̱li̱.” Ñies ie' tö ye' a̱ iché: “Ttè i' dör moki̱ë, e' mik be' e̱rblö̀mi, e' kue̱ki̱ ishtö́ yëkkuö ki̱.”

Apocalipsis 22:3

Ì ko̱s kë̀ dör buaë Skëköl wöa̱, e' kë̀ ku̱' ká̱ e' a̱. Ee̱ ie' ena Obeja Pupula, e'pa tulur ikulé ki̱. Ee̱ Skëköl kanè mésopa tö ie' dalöieraë.

Apocalipsis 4:6

Kula' e' wösha̱ë ì me'r dayëie kkueie wër sarërëë we̱s vidrio es. Ì ttsë'ka tso' kula' pamik döka̱ tkël e'pa wöbla dör tai̱ë tsi̱kka wökka.

Apocalipsis 5:7

Obeja Pupula e' de itkër kula' ki̱ e' ska' ta̱ yëkkuö a'tse̱r itkër kula' ki̱ e' ulà bua'kka, e' klö'wé̱itö.