Apocalipsis 6:6 - Tte Pa̱'a̱li̱ Me' Skëköl tö Se' a̱

⁶ Ì ttsë'ka döka̱ tkël, e' shu̱a̱ ye' tö ttö̀ ttsé tö iché: “Harinachka kilo elka ë̀ e' to̱rdaë s'kaneblö̀ ká̱ et e' ské ekkë. Ñies cebada kilo mañalka to̱rdaë s'kaneblö̀ ká̱ et e' ské ekkë; erë olivo kié ena vino e' kë̀ sulu'wa̱rwa̱ be' tö.”

Apocalipsis 6:6 ပူးပေါင်းရင်းမြစ်များ

Mateo 24:7

Ká̱ kua̱'ki̱ kua̱'ki̱ wakpa ñippöraë ñita̱. Ñies í̱ tö ká̱ wöti̱'we̱raë ká̱ wa'ñe. Ñies ká̱ tseë wakpa tteraë bli tö tai̱ë.

Apocalipsis 4:6

Kula' e' wösha̱ë ì me'r dayëie kkueie wër sarërëë we̱s vidrio es. Ì ttsë'ka tso' kula' pamik döka̱ tkël e'pa wöbla dör tai̱ë tsi̱kka wökka.

Apocalipsis 4:8

Itsá̱ pik dör teröl, es imale̱pa ko̱s pik dör teröl ñies. Ie'pa pa ko̱s e' dör wöbla ë̀ döttsa̱ ipik diki̱a̱. Ñië nañeë ie'pa tso' Skëköl ttseittsök, kë̀ ie̱' wöklö'u̱ta̱'rak ta̱ ichekerakitö i' es: “Skëköl dör batse'r tai̱ë, ie' dör batse'r tai̱ë, ie' dör batse'r tai̱ë. Ie' diché ta̱' tai̱ë íyi ulitane tsa̱ta̱. Ie' tso'tke tsa̱we ta̱, i̱'ñe ta̱, ñies ke̱kraë.” Es ie'pa tö icheke ke̱kraë.

Apocalipsis 7:3

“¡A' kë̀ tö ká̱ sulu'u̱kwa̱, dayë sulu'u̱kwa̱, kal sulu'u̱kwa̱ ka̱m sa' tö Skëköl kanè mésopa wakyuö̀ iwötsa̱ ki̱ e' yöki̱!”

Apocalipsis 9:4

Ie'pa kë̀ a̱ ka̱wö mène ka̱kö ko̱s, kalkö ko̱s, e' katök. Ie'pa a̱ ka̱wö mène, wé̱pa kë̀ wakyöule Skëköl wa̱ iwö tsà̱ ki̱, esepa ë̀ we'ikök.