Apocalipsis 18:19 - Tte Pa̱'a̱li̱ Me' Skëköl tö Se' a̱

¹⁹ Ie'pa tö ká̱ po tkéka̱ e̱' wökir ki̱ iwà kkachoie tö ie'pa e̱rianerak tai̱ë ta̱ i̱u̱ke tai̱ë ta̱ ichérakitö a̱neule: “¡Wëstela i̱na ká̱ e' buaë tai̱ë, e' wakpa ta̱! Sa' ko̱s wa̱ kanò tso', e'pa blune tai̱ë ie'pa batamik. ¡Ká̱ etkë̀ ta̱ ká̱ e' sulunewa̱!”

Apocalipsis 18:19 ပူးပေါင်းရင်းမြစ်များ

Apocalipsis 17:16

Idula' döka̱ dabop ena iyiwak sulusi, e'pa tö alaköl trër tai̱ë e' sue̱raë suluë. Ì ko̱s tso' ie' wa̱, e' yerattsa̱rakitö iulà a̱, imeraa̱rakitö sume. Ie'pa tö ie' chkà katerawa̱ eta̱ ikuö a̱te̱ e' ña'we̱rawa ie'pa tö.

Apocalipsis 18:10

Ie'pa suardaë dö' ì sulu e' dö̀ ie'pa ki̱ ñies. E' kue̱ki̱ ie'pa e̱' tsu̱raa̱rak ka̱mië ikí̱ sa̱u̱k ta̱ icherarakitö: “¡Wëstela i̱na Babilonia wakpa ta̱! Ie'pa dör pë' tai̱ë. Ie'pa ká̱ dör tai̱ë buaë. ¡Ì sulu wamblé ie'pa tö e' nuí̱ de ie'pa ki̱ bet, ekuö́löie ie'pa e̱newa, ie'pa ká̱ sulunewa̱!”

Apocalipsis 18:3

Ká̱ ulitane wakpa e̱rkiöwé̱ka̱ Babilonia wakpa tö trënuk we̱s s'tteke blo' tö es. Ká̱ ulitane blúpa se̱néka̱ ie' ta̱. Ì sulu ko̱s tue̱ke ie' tö ì sulu wambloie, e' tö dalì watau̱kwakpa ulitane blu'wé̱ka̱ tai̱ë.”

Apocalipsis 18:8

Ie'pa e̱' bikeitsö̀ es, e' kue̱ki̱ ì suluë döraë ie'pa ki̱ bet. Ie'pa teraë bli tö, ie'pa weirdaë sia̱rë, ie'pa duöralur, ie'pa ñardawa bö' a̱. Skëköl diché ta̱' tai̱ë íyi ulitane tsa̱ta̱, e' wa ie' tö ie'pa wöme'ttsa̱bak weinuk.”