Apocalipsis 18:10 - Tte Pa̱'a̱li̱ Me' Skëköl tö Se' a̱

¹⁰ Ie'pa suardaë dö' ì sulu e' dö̀ ie'pa ki̱ ñies. E' kue̱ki̱ ie'pa e̱' tsu̱raa̱rak ka̱mië ikí̱ sa̱u̱k ta̱ icherarakitö: “¡Wëstela i̱na Babilonia wakpa ta̱! Ie'pa dör pë' tai̱ë. Ie'pa ká̱ dör tai̱ë buaë. ¡Ì sulu wamblé ie'pa tö e' nuí̱ de ie'pa ki̱ bet, ekuö́löie ie'pa e̱newa, ie'pa ká̱ sulunewa̱!”

Apocalipsis 18:10 ပူးပေါင်းရင်းမြစ်များ

Apocalipsis 11:8

Ie'pa nu a̱rdaë tkëte̱r Jerusalén ká̱ shu̱sha̱ë sulitane wörki̱. Ká̱ e' a̱ ie'pa Këköl kötwa̱rakitö wötëulewa̱ krus mik. Skëköl a̱ ká̱ e' dör suluë we̱s Sodoma ena Egipto es.

Apocalipsis 14:8

Eta̱ Skëköl biyöchökwak skà debitu̱ idë'bitu̱ ke̱we, e' itöki̱, e' tö iché: “Ká̱ kibi tai̱ë bua'iewa̱ kiè Babilonia, e' e̱newa se̱raa̱, sulunewa̱. Babilonia wakpa tö ká̱ male̱pa wakpa e̱rkiöwé̱ ì sulu wamblök ie'pa ta̱ we̱s s'ttèka̱ blo' wa se̱nokka̱ ita̱ es. E' kue̱ki̱ ká̱ e' wakpa e̱newa.”

Apocalipsis 16:19

Ká̱ wa'ñe wé̱ s'ditsö se̱rke, e' ké̱ ko̱s e̱newa. Ká̱ kibi tai̱ë bua'iewa̱ kiè Babilonia, e' tskinewa̱ a̱te̱ mañat tsi̱ní. Es Babilonia ki̱ Skëköl kësik suluë blé, ì sulu wamblekerakitö ese nuí̱ kue̱ki̱. E' dör we̱s Skëköl tö ie'pa ké ì bacha'bachaë yökwa se̱raa̱ es.

Apocalipsis 17:12

“Idula' döka̱ dabop sué̱ be' tö, e' wà kiane chè tö blu'pa döka̱ dabop e'pa doia̱. Ie'pa a̱ ka̱wö merdaë s'wëttso̱ie iyiwak sulusi e' ta̱ ekuölö ë̀me.

Apocalipsis 18:18

Mik ie'pa tö ká̱ e' ñanewa̱ e' shkle̱ sué̱, eta̱ ie'pa a̱ne tai̱ë: “¿Ká̱ wé̱ skà dör buaë tai̱ë we̱s Babilonia es?”

Apocalipsis 18:19

Ie'pa tö ká̱ po tkéka̱ e̱' wökir ki̱ iwà kkachoie tö ie'pa e̱rianerak tai̱ë ta̱ i̱u̱ke tai̱ë ta̱ ichérakitö a̱neule: “¡Wëstela i̱na ká̱ e' buaë tai̱ë, e' wakpa ta̱! Sa' ko̱s wa̱ kanò tso', e'pa blune tai̱ë ie'pa batamik. ¡Ká̱ etkë̀ ta̱ ká̱ e' sulunewa̱!”

Apocalipsis 18:21

E' ukuöki̱ ta̱ Skëköl biyöchökwak skà de eköl diché ta̱' tai̱ë. E' tö ák bërie kéka̱, ák e' dör ko̱s ák tso' wawè ekkë, e' u̱yémiitö dayë a̱ ta̱ ichéitö: “A Babilonia wakpa, a' chörawa we̱s ák i' chowa dayë a̱ es, kë̀ yi tö a' sue̱paia̱.

Apocalipsis 18:8

Ie'pa e̱' bikeitsö̀ es, e' kue̱ki̱ ì suluë döraë ie'pa ki̱ bet. Ie'pa teraë bli tö, ie'pa weirdaë sia̱rë, ie'pa duöralur, ie'pa ñardawa bö' a̱. Skëköl diché ta̱' tai̱ë íyi ulitane tsa̱ta̱, e' wa ie' tö ie'pa wöme'ttsa̱bak weinuk.”