2 Timoteo 4:9 - Tte Pa̱'a̱li̱ Me' Skëköl tö Se' a̱

^9-11 Demas tö ye' méa̱t, ì tso' ká̱ i' ki̱ e' dalërmik ta̱ imía̱ Tesalónica. Ñies Crescente mía̱ Galacia ena Tito mía̱ Dalmacia. Lucas ë̀ a̱te̱ ye' ta̱. E' kue̱ki̱ be' shkö́ bet ye' weblök, kë̀ be' e̱' wöklö'u̱k ì wa. Marcos yulö́ ta̱ ikiö́bitu̱ e̱' ta̱. Ye' ki̱ ie' kiane e̱' ki̱muk ye' kanè wa.

2 Timoteo 4:9 ပူးပေါင်းရင်းမြစ်များ

2 Timoteo 1:4

Mik ye' minea̱, eta̱ be' i̱i̱' sia̱rë. Mik e' a̱newa̱ ye' é̱na, eta̱ ttsëskua ye' mú be' suè̱ne a̱s ye' ttsë'rne buaë.

2 Timoteo 4:21

Be' mú bitu̱ ka̱m tskiridiö döwa̱ e' yöki̱. Eubolo, Pudente, Lino, Claudia ena s'yamipa ko̱s tso' í̱e̱rö e'pa tö be' shke̱'wé̱mi.

Lucas 12:58

Yile tö a' kkaté nuì̱ kue̱ki̱ e' wa̱ a' mí s'shu̱lök wé a̱, e' ta̱ ima'ú̱ shu̱lè ie' ta̱ ñala̱ ki̱ a̱s ie' kë̀ tö a' wömùttsa̱ s'shu̱lökwak ulà a̱ we'ikè. A' kë̀ tö iwè̱ es, e' ta̱ s'shu̱lökwak tö a' wömerattsa̱ s'shkëkipa ulà a̱ ta̱ e'pa tö a' wöterawa̱ s'wöto wé a̱.

Tito 3:12

Artemas ö Tíquico, e' eköl patkekeyö be' ska'. Mik ie' de, eta̱ be' ka̱wö yö́ttsa̱ ta̱ be' shkö́ kröröë Nicópolis wé̱ ye' tso' ee̱. Ee̱ ye' tö ibikeitsétke tskiridiö tkö'u̱k.