1 Pedro 3:10 - Tte Pa̱'a̱li̱ Me' Skëköl tö Se' a̱

^10-12 E' dör we̱s Skëköl yëkkuö tö ichè es, e' tö ichè: “Skëköl wöbla me'rie s'se̱r yësyësë, esepa ki̱ ikkö'nuk. Ì kieke ie'pa tö ie' a̱, ese meraëitö ie'pa a̱. Erë wé̱pa e̱' wamblö̀ sulu, esepa sue̱keitö ibolökpaie. E' kue̱ki̱ yi ki̱ ikiane tö ika̱wö tkö̀ buaë ttsëne bua' wa ke̱kraë, ese wák ka̱wöta̱ e̱' kkö'nuk a̱s kë̀ itö ì sulu chö̀, a̱s kë̀ itö yi ki̱tö'ù̱. Ese wák ka̱wöta̱ ì sulu ko̱s olo'yök, ka̱wöta̱ se̱nuk yësyësë. Ie' ké e̱' chök se̱nuk bë̀rë ke̱kraë sulitane ta̱.”

1 Pedro 3:10 ပူးပေါင်းရင်းမြစ်များ

Mateo 19:17

Ie' tö iiu̱té: —¿Ì kue̱ki̱ be' tö ye' chaké ì dör buaë ese ki̱? Skëköl eköl ë̀ dör buaë. Be' ki̱ se̱ne michoë kiane, e' ta̱ ttè me'a̱tbak ie' tö dalöiëno e' dalöiö́.

Juan 1:47

Mik Jesús tö isué̱ tö Natanael datse̱ ta̱ ichéitö: —Wëm wí̱ e' je' dör Israel aleri bua'ie. Ie' kë̀ ka̱chöta̱'.

Juan 12:25

Wé̱ e̱' dalër tai̱ë kë̀ duakwa̱, ese weirdaë aishkuö ta̱. Erë wé̱ e̱' mettsa̱ ttèwa̱ ká̱ i' a̱, ese tsa̱tkërdaë se̱r michoë.

Santiago 1:26

Yi e̱' bikeitsö̀ tö ie' dör Skëköl dalöiökwak moki̱ë, erë kë̀ ikkö̀ ki̱ ì sulu blërta̱'wa̱ chè, e' ta̱ ese e̱' ki̱tö'u̱ke sia̱rë. Ie' e̱' bikeitsö̀ tö ie' dör Skëköl dalöiökwak, erë e' dör ka̱che, kë̀ wà ta̱'.

1 Pedro 2:1

E' kue̱ki̱, se̱ne sulu ko̱s olo'yö́. Kë̀ a' ka̱chökia̱ ñì ki̱. Kë̀ a' e̱' ökia̱ tö a' dör pë' buaë. Kë̀ ukyënukia̱. Kë̀ yi charia̱ suluë a' tö.

1 Pedro 2:22

Cristo kë̀ wa̱ ì sulu wamblëne yës, ie' kë̀ ka̱yëne yës.

Apocalipsis 14:5

Ie'pa kë̀ ka̱yëule yës. Ie'pa kë̀ ki̱ ì sulu ta̱' Skëköl wöa̱.