1 Pedro 2:6 - Tte Pa̱'a̱li̱ Me' Skëköl tö Se' a̱

⁶ E' dör we̱s itso' kitule Skëköl yëkkuö ki̱ es. E' ki̱ Skëköl tö Cristo chè i' es: “Ittsö́. Ye' tö ák kibiie tkéa̱t ye' u katabloie Sión, e' dör ák bua'ie shu̱kitule tuè̱ darërëë ese. Yi e̱rblöke imik, ese kë̀ e̱riarpa.”

1 Pedro 2:6 ပူးပေါင်းရင်းမြစ်များ

Génesis 49:24

Erë ie' ulà diché darërë; e' wa ie' wa̱ ishkame' shu̱irikar darërëë, kë̀ ulà shtrirta̱'wa̱ yës. Skëköl tö ie' a̱ diché e' mé. Skëköl e' dör Jacob Këköl e' diché ta̱' tai̱ë. Skëköl e' dör Israel aleripa kkö'nukwak. Ie' tö Israel aleripa tsa̱tkeke.

Mateo 12:18

Skëköl tö ichè: “I' dör ye' kanè méso shu̱kit ye' tö, e' dalër tai̱ë ye' é̱na, ie' wër ye' wa buaë shu̱te̱. Ye' Wiköl meraëyö ie' a̱, ta̱ ie' tö se̱ne yësyësë wà pakeraë ká̱ ulitane wakpa a̱.

Marcos 12:10

Ye' tté tso' kitule Skëköl yëkkuö ki̱, ¿e' kë̀ su̱ne a' wa̱? E' tö ichè: ‘Ák watéttsa̱ u yuökwakpa tö e' yönene ák bua'buaie.

Lucas 20:17

Erë ie' tö ie'pa sué̱ krereë, ta̱ ichéitö: —¿We̱s a' tö ibikeitsèmi tö e' kë̀ tkö̀pa a' ta̱? Skëköl yëkkuö tö ye' ché i' es: ‘Ák watë'ttsa̱ u yuökwakpa tö, e' yönene ák bua'buaie.’

Lucas 23:35

Pë' iëte̱r Jesús sa̱u̱k. Dö̀ judiowak wökirpa tso' ie' wayuök suluë, ie'pa tö icheke: —Moki̱ ie' dör wé̱ pairine'bitu̱ idi' wa s'blúie shu̱kit Skëköl tö e' e̱'ma a̱s iwák e̱' tsa̱tkö̀ we̱s o̱'kapa tsa̱tkéitö es.

Juan 7:38

Wé̱pa e̱rblé ye' mik, esepa ta̱ itköraë we̱s Skëköl yëkkuö tö ichè es, e' tö ichè: “Ie'pa e̱r a̱ ituöraë tai̱ë we̱s di' klö̀ka tuö̀ es.”

Hechos 1:16

“A yamipa, i̱ma Judas yë' Wiköl Batse'r tö se' blú bak David e' wa, e' wà tka we̱s itso' kitule Skëköl yëkkuö ki̱ es. Judas wa̱ pë' míne Jesús klö'u̱kwa̱.

Romanos 10:11

Skëköl yëkkuö tö ichè: “Yi e̱rblé ie' mik esepa kë̀ e̱riarpa.”

Efesios 1:4

Ka̱m ie' tö ká̱ i' yuö̀, e' yöki̱ se' shu̱kitbakitö a̱s se' dö̀ batse'r, kë̀ ki̱ ì sulu ta̱' yës ie' wöa̱, se' batsulewa̱ Cristo mik e' batamik. Ie' é̱na se' dalër tai̱ë,

Efesios 2:20

Se' dör we̱s u es. Jesús ttekölpa tsá̱ ena Skëköl ttekölpa, e'pa dör we̱s u kukulëwö es. Jesucristo wák dör we̱s u chkí es.

2 Timoteo 3:16

Skëköl yëkkuö ko̱s, e' kitule yësyësë we̱s ie' wák tö ibikeits es. E' dör buaë se' a̱ s'wöbla'wo̱ie, s'wöuñoie, s'shu̱loie, ñies ikkachoie se' a̱ we̱s se̱neke yësyësë

1 Pedro 2:4

A' shkö́wa̱ Skëkëpa Jesucristo ska', ie' dör we̱s ák tso' u yuoie es erë ttsë'ka. E' watë'ttsa̱ s'ditsö tö we̱s u yuökwakpa tö ák kë̀ dör buaë u yuoie ese kèu̱ es. Erë Skëköl a̱ ta̱ ie' dör we̱s ák shu̱kitule tuè̱ darërë es.

1 Pedro 2:8

Ñies e' tö ichè: “Ák e' mik pë' klastkërdaë, ie'pa a̱rdarö i̱ski̱ ák e' kue̱ki̱.” Ie'pa kë̀ wa̱ Jesucristo tté buaë e' iu̱tëne, e' kue̱ki̱ ie'pa weirdaë e' nuí̱ ki̱. E' dör we̱s ie'pa klastkër Jesucristo mik es. Skëköl tö ie'pa wöme'ttsa̱bak a̱s itkö̀ ie'pa ta̱ es.

2 Pedro 1:20

Erë ì ko̱s tsa̱ta̱ a' wa̱ ijche̱nú tö ì yë' Skëköl ttekölpa tö, tso' kitule Skëköl yëkkuö ki̱, e' kë̀ yëne ie'pa wa̱ ie'pa wákpa e̱r wa. Erë Skëköl tö ie'pa ké ichök we̱s ie' ki̱ ikiane es Wiköl Batse'r wa. E' kue̱ki̱ ì kit Skëköl ttekölpa tö ká̱ ia̱ia̱ë, e' kë̀ yëne ie'pa wa̱ iwákpa e̱r wa, e' dör Skëköl ttè moki̱.

2 Pedro 3:16

Ttè i' kit Pablo tö yëkkuö ko̱s kit ie' tö ekkë ki̱. Ie' ttè we̱le dör darërë, kë̀ wà a̱r se' é̱na bet. Pë' we̱lepa kë̀ yöule buaë, kë̀ e̱' tkëulewa̱ buaë Jesucristo ttè a̱, esepa tö Pablo ttè darërë, e' wà shku̱li̱'we̱kewa̱ we̱s ie'pa tö Skëköl ttè kitule yëkkuö ki̱ male̱pa, e' wà shku̱li̱'we̱kewa̱ es. E' nuí̱ ki̱ ie'pa weirdaë sia̱rë.