1 Corintios 11:7 - Tte Pa̱'a̱li̱ Me' Skëköl tö Se' a̱

^7-9 Skëköl tö wëm yö' we̱s ie' wák es, e' kue̱ki̱ we̱s ie' dör e' wërke wëm ki̱. E' kue̱ki̱ wëpa kë̀ kàne iwökir pabakökwa̱ mik ittöke ie' ta̱ e' dalewa. Erë alaköl dë'ka̱ wëm wa, e' kë̀ dör tö wëm dë'ka̱ alaköl wa. Ñies alaköl yöne wëm kue̱ki̱ iki̱moie, e' kë̀ dör tö wëm yöne alaköl kue̱ki̱. E' kue̱ki̱ we̱s wëm dör e' wërke alaköl ki̱.

1 Corintios 11:7 ပူးပေါင်းရင်းမြစ်များ

Génesis 3:16

E' ukuöki̱ ta̱ ie' tö iché alaköl a̱: —Mik be' alà ku̱rketke eta̱ be' weirdaë sia̱rë, idalë'r tai̱ë e' ttseraëbö. Erë be' ki̱ be' wëm kiardaë ena ie' döraë be' wökirie.

Génesis 5:1

Mik Skëköl tö s'ditsö tsá̱ yö', eta̱ iyuéitö we̱s ie' wák es. Ie'pa yuéitö wëm ena alaköl. Ie' e̱r buaë ché ie'pa a̱. Ie' tö ie'pa yué, e' diwö shà̱ ta̱ ikiè méka̱itö s'ditsö. I' dör Adán aleripa e'pa kiè.

Génesis 9:6

“Skëköl tö s'ditsö yö' we̱s ie' es, e' kue̱ki̱ yi tö se' ttéwa̱, ese wák ka̱wöta̱' ttèwa̱ wake'.

1 Corintios 11:3

Erë ye' ki̱ ikiane tö a' wa̱ ijche̱r tö Cristo dör wëpa dör ie' icha esepa ko̱s wökir. Ñies wëm dör alaköl wökir. Ñies Skëköl dör Cristo wökir.

1 Corintios 11:6

Alaköl we̱le kë̀ é̱na iwökir pabakakwa̱, e' ta̱ ese mú tö itsà̱ tèe we̱s wëm es. Erë e' dör jaë tai̱ë ie' a̱. E' kue̱ki̱ buaë idir ie' a̱ tö iwökir pabakö̀wa̱.

2 Corintios 8:23

Tito dör ye' wapie e' kaneblöke ye' ta̱ a' ki̱muk. S'yamipa böl ñe' mi'ke ie' ta̱, e'pa patké Skëkëpa Jesús icha eruleë tso' ká̱ wa'ñe e'pa tö. Ie'pa wa Cristo ki̱karkeka̱.

Santiago 3:9

S'kkö̀ wa se' tö Skëköl dör S'yë́ e' ki̱kekeka̱ e' ë̀ wa se' alibchöke s'male̱pa yö'itö we̱s ie' wák es e'pa ki̱.