1 Corintios 11:10 - Tte Pa̱'a̱li̱ Me' Skëköl tö Se' a̱

¹⁰ E' kue̱ki̱ alakölpa ké e' wà kkachök iwökir pabakèwa̱ wa. Ñies ie'pa ké e' u̱k Skëköl biyöchökwakpa kue̱ki̱.

1 Corintios 11:10 ပူးပေါင်းရင်းမြစ်များ

Génesis 20:16

Eta̱ Sara a̱ ichéitö: —Ye' tö inuköl wömule̱ kakmé be' akë a̱ döka̱ mil ekkë. E' dör ì sulu wambléyö be' ta̱ be' wakpa ulitane wöa̱ e' patuo̱ie. Es be' kë̀ jaëneia̱.

Mateo 18:10

“A' e̱' kkö'nú, ikkëpala kë̀ watarttsa̱. Ye' tö a' a̱ ichè tö Skëköl biyöchökwakpa tso' ie'pa kkö'nuk e'pa tso' ke̱kraë ye' Yë́ tso' ká̱ jaì a̱ e' wörki̱ ie'pa tté chök.

1 Corintios 11:11

Erë alakölpa ena wëpa batsulewa̱ Skëkëpa mik esepa kë̀ menea̱t ulawa ulawa ñì yöki̱. E' skéie imenea̱t ñì ki̱muk ñì dalöiök.

Hebreos 1:14

Skëköl biyöchökwakpa dör we̱s siwa̱' es kë̀ wërta̱'. E'pa ko̱s kaneblöke Skëköl a̱. Ie' tö ie'pa patkeke wé̱pa tsa̱tkërdaë, esepa ki̱muk. E' kue̱ki̱ ie' kë̀ wa̱ ttè ese yëule ie'pa isie a̱.