Markos 7:6 - Bag-ong Kasuyatan

⁶ Gingsabat sinra ni Hesus: “Tamang gador kag ingsiling it Dios parayan kang Propeta Isaias tungor sa inro nak mga pakitang tawo yang! Dahil kali kag nakasuyat sa Sagradong Kasuyatan. “ ‘Ingtatahor yang Ako it kaling mga tawo sa inra yuba, pero kag inra tagipusuon ay mayado sa Ako.

Markos 7:6 ပူးပေါင်းရင်းမြစ်များ

Tito 1:16

Matuor, nagsisiling sinra nak kilaya ninra kag Dios, pero iba kag inra ginghihimo sa inra ingsisiling. Kayainan ag kuntra sa tama kag inra inghihimo. Ngani, inding gador sinra kahimo it ni-o mang kaaduhan.

2 Timoteo 3:5

ag pay kung sin-ong relihiyuso pero indi ra makitaan nak sida ay inggagahuman it Dios. Payadu-e kinang mga tuyar nak tawo,

Juan 5:42

Kung sabagay ay kilaya kamo Nako, ag ayam Nakong indi rang gador kamo magpuri sa Ako, kumo waya kamo it pagpalangga sa Dios.

Juan 15:24

Ag kung waya ra tan-a Ako gihimo it mga milagro sa inra atubangan nak wayang gador nahuman it iba, ay waya ra tan-a sinra it salabtanon sa inra mga nahimong sala, pero ngasing ay nakitaey ninra kag Ako mga inghimo. Pero sa yudo it kinang Ako mga inghimo ay laban gihapon sinra sa Ako, pati sa Ako Tatay ra.

Binuhatan 28:25

Kada waya sinra nagkausa, ag bag-o sinra nagpauli ay nagsiling si Pablo it tuyar kali: “Tama nak gador kag pagsiling it Ispirito Santo sa inro mga ginikanan parayan kang Propeta Isaias tong nagsiling Sida nak,